好記得我同阿姿係1999年11月1日認識。果日係我第一日去尖沙咀中心番展翅單元二課程，而阿姿就係對上果班學員，佢果日只係番幫手。（但我到而家都唔知佢番幫乜，其實佢只係番玩。）

 由於有一個同阿咩一齊番幫手朋友仔，係我以前學校師妹仔，所以我就痴埋去佢到啦！到下晝，得番阿咩一個留低幫手，後尾我就出雙入對啦！跟住果幾日，阿姿都成日有番搵我。有一晚，社工阿頌同我講，佢教緊一班學生拍戲，所以佢想搵我幫手，拍一套鬼片比學生睇，咁有得玩，我同阿姿梗係舉腳話好啦！嘩，果晚真係…..自己嚇自己。中心個basement到拍，熄晒燈，個氣氛真係有恐怖，（因為傳聞果到真係唔係咁乾淨。）果套戲其中一節，係阿咩扮鬼，我同其他人就扮到講鬼故，講講就連阿咩都出聽埋一份。果時呢，佢仲係頭髮長長，佢將頭髮 “樓” 住塊面，突然間我兩個人中間 “控” 出，但我又要扮睇唔到喎，幾驚呀！結果……果晚攪到太夜，我開始無心機又肚餓，所以就草草收場。而我同阿姿兩個為食貓就走去當時尖沙咀好出名 “澳門茶餐廳” 啦，果次都攪笑啦，阿姿自己叫錯食仲話人比錯，我記得我仲見到鄧健泓呀，果時我淨係知道佢做兒童節目咋！！ 

又有一日，佢夜晚要番設計，我同嘉華、阿諾諗住比個驚喜佢，去接佢放學啦，但佢果日好似比人偷個電話（我搵到個嫌疑犯，不過無証據咋。），我聯絡唔到佢，又淨係知佢學校油麻地，結果……我搵好耐都搵唔到，諗佢都已經走啦，所以我就去茶餐廳食，夜再打番比佢，先知原來佢學校商業中心入面，所以我搵唔到，但果棟原來就係茶餐廳隔離，激死！ 

之後日子，我個個星期都會番中心一次，吹水咁啦，不過佢次次都因為要番學所以要遲到。有一次，我終於有傾到啦，我要攪活動，一次大型BBQ啦！籌備過程入面，我提議好多遊戲，其中有一個係 “糖痴豆” ，有人解釋緊呢個遊戲時侯，就有個無聊人話：「唉，到時實有兩個人痴埋一齊，然後仲會叫其他人唔好行埋去添啦！」之後眾人就望住我同阿姿啦！

到果日活動，我就真係成日 “黏” 住一齊，仲做盡壞事添！（收埋一特別紅腸，諗住燒比自己食，點知比人呃，原來紅腸係特別難食。）其實果日開始，阿姿面色已經有蒼白，身體亦都好似唔多好，但大家都以為係近海邊，所以吹親，但……

有一晚開會途中，知道阿姿入醫院無番，初初我以為好小事。到第二日，佢由浸會轉去瑪麗，我搭車上去途中，知道佢係患白血病，無知我，根本都唔知係乜，上到去見到阿姿，佢又無乜，仲同我玩得好開心。臨走時侯，有人問我，知唔知阿咩有乜病，我話白血病丫麻，佢繼續問，知唔知白血病即係血癌?我…真係呆…

最初，你醫院留醫，我就差不多日日都會過，果時你話我同阿基係你經理人，幫你安排邊個朋友咩時間探你，果時每個探你朋友，都一本簿仔到簽名，記唔記得？？後尾，我離開香港一個月，番到之後，唔知點解，同你既感覺，好似有點兒陌生。但好彩，我仲有Meredith豬仔做我既中間“豬”。

往後日子，我變得好少聯絡。但金蘭同豉油又點會分得開丫，所以我一有時間傾計，又乜都可以講一餐，由無聊至到自己好私人都可以講。有次阿姿話金蘭豉油好 “娘” ，不如做twins喎，所以我就打扮成兩個學生妹去街街啦，中心人見到我，真係以為我係學生呀，咁唔知我係成功定失敗呢?

  其實我成日都有上吉場睇你，如果唔係又點會知你鍾意sony貓喎，傻瓜！！見到咁多人上吉場，呢度咁多人錫你，我都覺得好開心。你知道嗎，有人可能活幾十年，但都無你只係活二十年咁燦爛。仲記唔記得我講過，我做好多事都係要個過程，而唔係要個結果，你人生好精彩，我永遠都會為有你呢個朋友而感到開心，你永遠都會係我金蘭！（哎也，你聽到我咁講，一定又覺得我好 “娘” 啦！）

 咩咩筆下的isiah

 ★back★