給表姐~~~(無論以後會點,我都叫妳做表姐架~~)
識到妳,係我既榮幸,由尾尾(我個笨家姐)網網再去妳樹,都有一年時間,
第一次見妳,係同KK,獸爸係醫院探妳,個陣我見到妳唔知講咩好,見到妳都幾精神丫~~~之後有講有笑,
仲話我係尾尾既契弟......嗚,係契細佬呀,唔係契弟呀~~~之後妳就開始叫我做小冬子嚕~~(呢個網名我一世都唔會再改架喇~~)
 

 雖然我係網網識妳,但係我無當過妳係網友,(應該係病友先岩),
感覺係好似個大姐姐咁,所以我開頭叫妳做咩姐姐~~到而家我手雞電電妳個電話都仲係咩姐姐~~
而家分返開晒嚕(早排比呀圖叔整古…佢打黎既來電既來電係咩姐姐,嚇餐死之餘又失望,真係好希望妳打黎)

新年之前個次唱K,妳又入左醫院喇,之前仲話一齊唱[活著多好]……無法子啦,病就係咁,之前我都試過,好想有人探我同我講下笑,所以留返左隻姊妹比妳聽[鳴謝笨村兩壯男合唱],等妳狂笑下~~~

第一次上妳屋企,就見妳坐係電腦樹,(咁似而家羊媽媽),
我完全明白點解吉場既管理咁好,好似廿四小時Online呢,
我第一次上妳樹就一齊搵免費空間,不過,得出既結論係….與其搵,不如比錢要一個好D…
或者自己砌Server,因為咁樣,所以我去左報展翅(做左妳師弟仔),去學MCSE2000,
但係妳居然話:[展翅讀壞人!]點解呢?點解呢?一齊去Camp時我完全明白晒,
不過……幾好玩丫佢地,表姐妳真係好多好朋友~
學華少同咩爸話:[你比其他人真係活得精彩,我引妳為榮],去Camp個2日真係好開心~我地一齊唱歌
聽妳講高音王既壞話(諗起好寒添...),一齊享受臭味(某人踩狗屎…),一齊大笑(細拳同某人打高難道乒乓波,仲要做左大量掌壓…),
一齊昅野(日記無打既…)[自從個次後,個道門既玻璃貼左黑膠紙……]

三月中,我地又發現Heha樹好唔掂……但係邊度有server又Free又無廣告又支援中文名丫(Internet巳經無免費午餐呢樣野嚕)
搵黎搵去都係無,諗起,係喎,我放開D日本Server試下丫,搵搵下…….有D50M,有D100M,有D300M,有D1GB…勁,
所以我地就去伸請左無上限既hoops.ne,jp,但係由於申請手續極為痲煩,
而且又要日文,所以表姐一手推左落去我樹,好大壓力添……
伸請左hoops.ne.jp2日,咦?係網吧聽唔到ge???再check下姨媽,hoops.ne.jp原來唔比放歌架……但係我地又唔知喎,又要去搵喇……嗚……

 
有上次又上妳屋企,妳放左餅AXN(某線20台)既錄映帶比我地睇(當時人有我,妳KK同呀媽)一路睇…咦…一路作嘔…之後就四?個女仔一個墟…又係度又講人壞話…今次係…點唧,妳覺得點唧…我發現真係好似一家人咁,好好玩,好好笑~~~病,都可以過得好開心架~~~

（代續）
 

《back》