|
susuky
(小學校一年班) ～第6篇～
姿,(我慣左咁叫你!)你睇每日有二千幾人來"吉場",每個你身邊的人都以你為榮,你知道左一定好開心!
我好怕明日的來臨,我不想去面對這個事實!我們之間的回憶,又怎可能用文字形容,描述!記得你每次打電話來第一句,一定係"susuky,我好掛住你啊!",我成日都話你肉麻;又記得我地一齊拌同性戀買底褲........好多好多!依家我只想講"姿,我都好掛住你,好愛你!"我知你知道家!
2002/6/26(Wed) 18:40 謫自牛言版
 
呢兩張相就係買完底褲之後去影o既貼紙相。
1999年o既校運會，呀連左擁右抱。
去年 (2001)校慶開放日,
susuky o既位置已經是三人之中心人物。
Susuky
心聲
***************************
坐在電腦前,但一片空白,唔係唔知寫咩,而係我同你之間有太多太多的回憶!
回想起和你初相識時,成日點你做野,但快畢業時開始變得無所不談………考試期間還和你,阿連,三個人日日在我家玩電腦,傾計,果段日子我真係好開心.
你每一次拍拖,失戀我都係最先知道,記得你愛笑又愛哭的性格常常令我不知措.又記得叫你來KFC打工,我常幫你出頭罵那些點你做野的人……!
到後來你病了,我們反而見得更多了,感情也愈來愈好,成了好姐妹……..
到了最後一次見你,應該係校慶…….
之後又約左幾次,但都因為你要入院而一改再改…….
以前的我只知道你係一個畫公仔好叻,好細路女的小女孩,但自從”吉場”的出現,我才知道原來你已突然間長大了,哩個病讓你失去了好多,但也令你得到了唔少!
好多野你都係知道的,但你不會刻意去面對,去諗!你有咩問題都會打電話俾我,問我應該點,但好多野我都覺得自愧不如!
印象最深的是有一次我因為一些小事唔開心,我講如果可以同你換轉我有哩個病就好了!你馬上好唔開心話,”你同NATHYA都係我最好的朋友,但你地兩個都因為一D小事就咁講,其實你地無病當然唔知我感受…….有邊個會想自己有D咁0既病啊!”之後果刻我個感受真係好深!
在我心目中的你一直都係一個好叻的女仔,以前是因為覺得你電腦叻,之後係因為你成個人!
你的離開只是表面,在我心中你一直都不曾離開！
2002年7月
Susuky
**BACK**
|