認識‥經過‥結束

如果你問我...咩咩係你既朋友定網友,我可以好肯定咁同你講---咩咩係我既朋友而唔係網友

 認識---- 

        四年前~~當時我係Fun Fun Show度做緊promoter既時候,由於我可以免費帶人入場既關係,所以我就叫左我乾哥哥黎搵我...我免費帶佢入場~點知做做下野既時候~收到哥哥既電話...佢話要帶多個人出席啵~我就緊係答佢無問題啦...當佢地到左會場既時候就打比我~叫我出去接佢地喇~出到去見到哥哥拖住一個女仔入場..心想..呢個一定係嫂嫂喇~個女仔肥肥地...束起兩條辮子...蠻可愛的...哥哥首先介紹左佢個名~之後就介紹我囉....不過個時無留意聽...好快就忘記左嚕...
        

    佢地行左一陣間就黎我既counter搵我...我個counter係買零食架...嫂嫂樣樣都想買咁...最終嫂嫂買左少少野食...我做乾妹妹既...緊係要送番ｄ野比嫂嫂啦~我仲記得~我送左筒栗子味既百力滋比嫂嫂呀~~佢好開心呀!!
 

     臨走既時候~比嫂嫂發現左我左右手都戴左ｄ手~一隻係跳跳虎~另外一隻係eyo...佢好鍾意隻跳跳虎架...不過我都好鍾意呢~哥哥問我邊度有得買...我就同佢講~呢兩隻係非買品黎架...係嬰兒展個度ｄsales姐姐送比我媽咪架...我媽咪知道我鍾意就比左我囉~嫂嫂聽到之後...有少少唔開心呢....哥哥就叫我比隻嫂嫂~~唔制~唔制~~我都好鍾意架...唔制呀...一隻都唔比....就係咁...佢地就走左喇~而我兩隻小玩意就留係我身邊~

經過----

     二年後~~我無意之間係網路上搵到阿咩吉場呢個網站,睇睇下發現有張相...相入面係哥哥黎架呢...於是我就膽粗粗咁問網主...係唔係識相人中呢...( 個答案就緊係答識啦~~唔識又點會影相啵....傻瓜 :p) 於是我又再問哥哥...哥哥就答我...網主咪就係嫂嫂囉...( 不過已經係過去式喇...因為當時佢地已經分手了 ) 原來我一早就識咩咩架喇~~之不過無傾過偈之嘛~就係咁...我開始係吉場打滾喇...
    

    我仲記得~我同咩咩,小魔女,penny,麵包...曾經組織過姊妹網架...因為個時我地好friend嘛...大家有講有笑...好開心咁過左好多個時光....不過後尾因為有少少誤會出現左...所以姊妹網就結束左嚕...個一刻...覺得有少少可惜呢...
 

    我仲記得~當時吉場既牛言板比一個叫做""多事人""既人兄攪事...於是我就自告奮勇咁幫咩咩出面..對付呢個多事人...個時我一路作戰咩咩就係我身後不斷為我打氣...個時打得好激烈架...一夜之間我既職位由低級升到高級咁滯呀...一睇呢個成績就知道我打得幾激烈啦...就係咁...我就做左吉場既睇場喇...之後...周不時都有ｄ人兄黎搗蛋...不過佢地個個都比我呢個睇場尾尾趕走晒嚕!!嘿嘿~
 

     我仲記得~吉場越黎越多人睇喇...留言既朋友越來越多喇...我係吉場識到好多朋友呢...都係因為吉場咋...如果唔係...我都識唔到咁多好朋友呢~~就係因為我地個個元老都好珍惜呢份友誼...所以就成左一條村...而條村就改名為笨家村...

結束----

2002年6月27日~~呢日係我最後一次見咩咩...唔想發生既現實...終於都要面對喇~我強忍淚水見咩咩...因為我知道咩咩唔想我地傷心...所以我要堅強...我個日做到呀~~做到堅強~唔喊呀...( 不過當我收到你既消息既時候...個一刻已經喊左喇...T__T  )  係歡送會...我送左張畫比咩咩...呢幅畫表達左我既心意...希望咩咩會鍾意...我仲帶左個時嫂嫂好想要既跳跳虎手比咩咩添呀...唔知咩咩有冇開心到跳跳呢...
   

今日一別後...我知道我地無得再見架喇~不過咩咩既一舉一動已經係我腦入面架喇~無人可以拎走佢...我會好好記得同咩咩相處時發生既事...我會記得架~~我亦都知道咩咩都會記得...因為笨家村既事....又豈能一言一語講得晒丫...我地每個村民都會記得...笨家村唔會foul咩咩出局架....因咩咩永是一份子呢...
 

呀瑩屋企打邊爐時留影

呢隻就係傑飛屋企大白兔

﹝BACK)