呀咩：
真係有o的遺憾點解我唔係o係你離開之前睇到呢個網，我真係好想好想有機會可以識到你，
可以同你做到朋友，好可惜我無呢個機會．．．．．．
由我o係ｉｃｑ入面收到一位好朋友ｓｅｎｄ你個網址比我知，到我真係有時間靜靜坐電腦
前睇你o既"一生"，好感動，我好耐都無試過真真正正咁喊過。
我自從親人過身後，我都無再喊過，但一路睇你個網，睇到你o既日記，你朋友o係你病重時
寫比你o既鼓勵說話，甚至．．．甚至係o係你離開之後羊媽媽o既憶述，睇到呢o的點點滴滴，
我o既淚不自覺o甘流下，不停止的流下，很久也未能平靜下來．．．．．．連我家人都以為
我有事，上前問我發生咩事，突然之間，我覺得親人o既一句關心說話都好動聽，好溫暖．．．
從前我只會怨天不眷顧我，覺得一齊擁有的都是應分的，不懂珍惜，但你教懂我！
係你話比我知每樣事都不是必然的，得到的，都是上天的恩賜。你對生命o既堅持，樂觀，
你的積極，相信好多人都做唔到；你比我o既感覺係對朋友好真，係一個好爽朗o既女仔，
你也不是大我很多，只是兩年罷了，但你真成了我的偶像！我這並不是出自同情，
我知你也並不希望其他人同情你，只是我很佩服你，你樂天的性格我很佩服，真的！
假若．．．換了我是你，當我知道自己有這個病，我想我只懂得喊，我並沒有你的勇氣去面對
一次有一次辛苦的化療。
我有一位親人也是得到癌症，面對著他一次又一次辛苦的化療，食不下，睡不到，
比這病煎熬得整個人都廋了，外人看到也知並不好受，更可況是當事人呢？！
但看到你的日記，說你仍能熬得過，你點辛苦，你都唔想親人為你難過，仍然笑臉迎人，
從來沒有埋怨過，你真成了我的偶像！
呀咩，你現在雖然離開了，但你不用再辛苦搏鬥，真真正正得到解脫！你現在生活可好嗎？
還是日日看著你的"吉場"吧！你就好像從未離開，看著你的朋友，你的網友給你的留言，
對羊媽媽的鼓勵說話，仍然陪伴著你的至親，聽著他們對你說的話，感受著他們對你的愛，
分享著他們的喜落得失。
呀咩，你的光輝仍然照耀著"吉場"！你會一直守護著"吉場"，直到你們團聚的那一天，
是嗎？我真係好想好想有機會可以識到你，可以同你做到朋友，我知你係會睇到呢封信，
咁我想話．．．假如還有來生，真係好希望上天能給我一個機會，給我遇上你，能真正的認識你，
呀咩，願你在世界的另一方，永遠快快樂樂！
Ｙｅｎｎｉｓ
２００３年５月２２日