Ｄｅａｒ　Ｍｅｒｅｄｉｔｈ（咩咩）：
唔經唔覺你離開左我地已經一年喇～你生活好嘛?諗番上年我好遺憾唔可以o係６月１６日即日知道你o既消息～以我記憶我係o係好似大約一個月後先知呢件事～o個時我洗左機，冇左吉場個網址～突然心血來潮誤打誤撞之下搵番唔見左好耐o既吉場～我諗呢Ｄ就係我地o既緣份掛（笑）～定係你想講比我聽呢？？

第一次上吉場，我就好似著左迷咁不停睇你寫o既野（我知好多人都有類似o既經驗～咩咩真係有吸引力架！！哈）～每天傻笑係我最鍾意架～可能因為有好多你o既經歷掛～當我睇到你入院時．個心好唔舒服～當我睇到你去呢度玩o個度玩時,又會不其然咁笑左出黎～依家我見到”黑牛”都會諗起你～因為你最鍾意食嘛！哈～

我知你唔鍾意人地特登講你個病～我又聽過你話有ｄ人ａｄｄ你都係問你個病Ｄ野～仲有ｄ人過份到問你死得未～你又講過唔鍾意人地ａｄｄ左你之後唔出聲～ｏｎｌｉｎｅ就ｈｉ～ｏｆｆｌｉｎｅ就ｂｙｅ～所以你都唔會打你個ｉｃｑ出黎（況且你都唔係咁鍾意玩～）記得有一次～我o係每天傻笑(唔係好記得喇.....)度見到你個ｉｃｑ～我好開心～仲第一時間睇你個ｉｎｆｏ　ｔｉｍ～不過我冇ａｄｄ你呀～～因為我唔知第一句可以同你講乜～而且我比較被動～又呆板～阿咩又點會同我傾丫～～至此我都係做你o既讀者多～我驚到連牛言板都唔敢留言～～我怕你唔覆我～我寧願遠遠咁睇住你好過～

所以你唔會知道我o既存在～而我就知道你好多野喇（範圍只限於吉場^^"）～～依家諗番我真係好傻呀～～我好後悔冇同你傾左計～冇留過言比你～～唉．．．如果時間可以倒流～我一定會ａｄｄ你～一定會同你ｃｈａｔ～一定會留言比你架～雖然可能一句起２句止~甚至你會唔記得有我呢個人～起碼我都o係你一生中出現過丫～（好白痴

o既諗法呀～哈！) 聽人講呀～～我地每一個人o既一舉一動都會記入一個ｆｉｌｅ度架～到死o個陣～就會比你睇番生死o既野架～如果我有同你講過一句說話～你話幾好呢～～我就可以永遠出現o係你個ｆｉｌｅ裏面喇～哈哈！不過你放心～～你永遠都會o係我個ｆｉｌｅ裏面佔住一個重要o既位置架～

你真係教識左我好多野～我初初都以為一個１９歲o既女仔～會識得Ｄ咩丫～～就係因為呢個病令你更加珍惜生命～而你亦都感染到好多人去珍惜每一分每一秒～有時我都會諗～如果我都有呢個病～我會唔會成為第２個咩咩呢？？（不過咩咩o係大家心目中係唔可以代替o既）～好多時我唔開心～我都鍾意上吉場～之後我o既心情就會平靜番～（好神奇！）不過自從你離開左之後我都好少上吉場嚕～（對唔住呀～羊媽媽！^^"）又有一次～～我好唔開心～～成日都喊～令到ｄ朋友都好擔心～～突然又好想上吉場喎～因為之前成日都ｌｏａｄ唔到架～～唔知點解o個次一次就ｌｏａｄ到喇～睇到羊媽媽o既一句說話～我就冇咁唔開心喇～～羊媽媽話（大約啦～我都唔係好記得嚕～）每個人都會遇到挫折～只要勇敢面對～困難就好快會過～當我睇到呢句說話～我真係感覺到咩咩就o係我身邊～透過羊媽媽去安慰我咁～～多謝你！阿咩～

仲有呀～我成日都話去探你～不過又懶～對唔住呀～將軍澳對我黎講簡直係一個陌生o既地方呀（印象中去過一２次啦）～不過你放心啦～～我有生之年一定會去探你架！！～到時就會係我地第一次見面喇～～哈！！

希望咩咩同埋咩咩屋企人永遠開心快樂啦～～

ｐ．ｓ：唔知你仲記唔記得”彩虹泡泡糖同盟”呢？我好鍾意個名架～～所以我好多時都用”彩虹泡泡糖”呢個名～感覺到咩咩就o係我身邊咁～你唔會介意架呵？？？^^"～    

Ｆｒｏｍ彩虹泡泡糖(貓)
 20/6/2003