呀咩,
 

真係好可惜呀 !!!當我知道有呢個咁好既網存在既時候 , 你已經去左一個好遠既地方o勒..

最初收到同學send黎既URL , 話個網主已經唔o係度 , 但就有個心願未了 , 所以我一心本住~助人為快樂之本~既宗旨 , 將個URL send 晒比我d網友 , 同埋即刻上黎睇o下呢個網....

我o係URLo個度知道你已經唔o係度既時候 , 重以為你係因為SARS而唔係度 , 因為個時係高峰期ar ma , 但當我睇到 ~ '我係咩料' ~ 既時候 , 先知你係因為血癌而唔o係度 . 其實......我當初真係好害怕你係因為SARS而唔o係度嫁 , 因為o係睇你個網之前 , 我有個老師就係因為SARS 而唔係度 (24-03-03). 一時感觸 , 所以咪咁諗lor...

其實我一早o係上個月已經睇晒成個網站 , 但因為時間關係 , 所以直至今日先黎投稿lor(唔好意思喎 , 咁遲先黎投稿......)

呀咩ar , 你個網真係做得好好呀 , 好靚呀 , 重好感動tim ar !!!!!!我一路睇一路喊呀 !!(出自真心嫁 !!!) 從你既每一相 , 我睇得出你係一個天真活潑 , 百折不撓既開朗少女 , 你重係一個唔單止樣靚 , 而且個心比任何人都更加靚既妙齡少女 !!!

或者........ 有D人會覺得 ... 上天對你好唔公平 , 上天唔應該咁早帶你去另一個地方生活 . 但係 , 我既想法同佢地o岩o岩相反 , 我反而覺得你好好彩 , 好幸運!!! 係 ! 無可否決認上天賜予你呢個病令你帶黎好多辛酸 , 好多痛苦 , 但佢亦為你帶來一班好疼愛你既家人同朋友 , 你用你既一生黎換取別人對你既疼惜 , 雖然代價好大 , 但做人既野 , 唔應該下下都要計較付出幾多就要得到幾多ga ma , 我諗你都係同我既諗法一樣 , 係咪 ??雖然你既一生短暫 , 但你既一生比任何人都更加璀璨 !!!!!~~~~ s`

                               21-06-03