羊媽媽,

你好, 首先好多謝你睇我依個 email, 我叫 martin, 只係睇完依個網站之後有一個衝動想 send email比你(雖然我地都唔認識), 請你原諒我的唐突, 就當係我對你同呀咩的一些鼓勵.

我既文筆唔係太好, 又唔係太識表達內心的感覺, 但希望羊媽媽都抽一些時間看一看我的 email.

其實係半年前有一個朋友係 icq send佐依個網站既 link比我, 睇完之後發覺呀咩係世上難得的女仔, 之後睇完就算, 可能因為功課太忙的關係, 都冇乜點再來.

但係巧合之下, 兩三個小時之前, 我無聊之下睇一睇 icq朋友既 info, 有一個朋友把依個網站既 link放係 info果道, 我最初以為係我朋友既網頁, 就入去八一八, 點之一入到來發覺有些面善的感覺, 再睇落去, 完來係我半年前來過的地方, 今次又係睇到唔想走, 睇返主頁, 完來呀咩係讀慕光英文書院, 咁啱我剛剛前幾天開始係慕光英文書院當一個輔導班導師, 雖然我唔認識呀咩同羊媽媽, 但係我覺得我同你地又接近佐, 可能依 d就係我同你地既緣份.

其實我真係好佩服呀咩同羊媽媽, 呀咩佢真係好樂觀, 我見到佢每一幅相都係好開心, 根本就唔似有問題, 可能依d就係佢性格, 又或者可能係傷心既己經傷心夠, 但我非常欣賞佢對生命的態度, 縱使身體有一些問題, 但從文字之間, 我可能睇得出佢係好享受生命, 如果我有機會遇到失意的人時, 請容許我把呀咩的事告訴他們, 使得他們懂得面對生命.

羊媽媽我也很佩服你呢. 你對女兒的關懷, 為了女兒的網站而學習電腦, 堅強的你, 是我學習的榜樣. 我也希望你不要荒廢依個網站, 我之後會每隔一段時間來坐坐.

可能我以上講既野冇乜意義, 但佢係代表我對你同呀咩既一些支持, 亦代表我欣賞你們都生命的態度. 最後, 我自己亦都對生命有一種新的體會, 多謝呀咩同羊媽媽.

Martin