----星月童話---33----

maggieman

一個靚靚全職媽咪寫既文章,係好似同你傾計咁.....好真實,好舒服...........可能大家都已為人母,所以講既野好有共鳴 !!
佢個網整得好有心機,短短的時間就進步神速.....除左叻之外,時間真係好重要 !
 哈哈哈~~~~~~~~呢個就係我懶既藉口呀 !!!!!!!

給咩咩的

我都唔記得自己係邊月邊日開始上吉場嚕!!不過令我得到www.meredith.com.hk呢個網址既,唔係朋友,都唔係電視或者係 電腦,而係有一次我同仔仔係太子去完街街搭1A巴士返去觀塘時知道的.真有趣!!有趣的是,而家既巴士已經好服務到有電視睇,雖然唔係播緊TVB或ATV既野,但幸運既係roadshow比我睇到你的故事,一個令到企係巴士拖住個仔,又住好多野既媽咪聚精會神咁睇住個電視仔!!呢個媽咪當然就係我啦!!^^

吸引到我既,係電視裡面既另一個媽咪<你的媽媽>

你既離開,你遺下既吉場,所有所有跟你有關既野,係我睇到呢個短片既時候,已經完全放晒係你媽媽手中!!短片中既羊媽媽,表面好堅強,但係一講到你,都係仍然淚流滿面呢!!不過就係因為你留低既吉場,令到你媽媽有左另外一個目標,就係延續你既目標呢!!
 

我記得初初我到吉場睇你寫既野,畫既野,比我既感覺係好溫暖,但同時都令我感覺到,生命真係好脆弱....脆弱到可怕!!對於我呢個曾經尋死既人黎講,接觸到你既一切,就好似得到你伸手扶起我一樣,我希望自己可以好似你咁樂觀,希望自己好似你媽媽咁堅強.....我希望....自己做到!!

我唔係一次過睇晒你既野架!!我太情緒化,所以我每次有問題諗唔通既時候,就會開你既網睇!!咁多你既日記!!咁多你既相片!!我有排慢慢睇啦!!就好似止痛葯咁,令到我既痛苦,唔開心都忘記!!多謝您!!咩咩!!

好慶幸我已經接觸過你既媽媽.爸爸.哥哥.女麻女麻.工人.朋友!!地全部都好好人呢!!唔怪得你離開前,都生活得咁開心!!我 明啦!!^^你樂觀,加上你身邊既人又熱情!!就令你更加樂天派啦!!

我去過將軍澳探你架,唔知道你仲記唔記得呢??雖然無買d咩野送比你,不過都同你傾左好耐架!!

我知道好多人成日黎 探你架,所以唔記得左我都唔出奇呢!!唔緊要啦!!最緊要既係你而家仲係笑瞇瞇咁既樣呀!!可愛呢!!^^

話比你知道呀,上次探過你之後,因為你我就識左好多新朋友仔呀!!哈哈!!當然其中又係你既朋友啦,我成日都去佢地d網睇野,又留言,希望唔會煩到佢地啦!!不過你放心啵,我留言留得最多除左我自己個網,吉場就最多啦!!初初仲留得開心得製,當左好似傾icq咁呀!!諗番起都覺得好好笑呀!!哈哈!!呢~~~個lehto急救員嚕!!

 

我10月中又黎探下你先!!到時買花花 送比你呀!!你至鍾意個隻呀!!唔洗只係我首頁有就算,要送d真實d既野比你至得先!!到時見啦!!byebye!!

*咩咩!!幸福永遠擁有妳!!*
 


by maggieman2003/10/03

《back》