咩咩,
  今日(30/11/2003)已經係我第二次去您0既網站啦,
第一次係大約半年前(18/5/2003), 點解我會咁記得?
 因為果日我同男朋友鬧交, 以為佢想講分手,
好,好,好唔開心, 因為第一次拍拖.
但睇0左您0既網站, 我覺得您好積極同樂觀,
有好多朋友, 我真係好羨慕, 唔知點解突然諗通0左好多.
最後, 佢都"tum"番我, 但最後我0地都分0左手,
都半年有多, 我以為自己可以放得低,
但傷口都經常忍忍作痛...
 

我今日偶然再0黎番您0既網站, 睇您0既"快樂速成班",
我先明白咩叫做"真正0既放手, 真正0既愛",
我自問都係一個成熟0既人, 但面對您, 我真係好慚愧.
睇完您0既網站, 唔知點解個人好似有番力量,
我知道我能夠有健康0既身體, 已經好幸運,
所以我會好積極樂觀咁生活落去, 真係好高興認識您,
雖然您已經離開0左, 但您0既精神仍然能激勵好多,好多0既人,
多謝您^.^

靜靜咁講比您聽, 我今年已經係nursing二年級0既學生,
我希望自己可以0係將來成為一個出色0既護士^^

阿Ta

《back》