Dear:羊媽媽~
唔知點解呀咩吉場總係有種吸引力吸引住我......
每次我開心、唔開心、失落、興奮、無聊，更多更多.......我都會去睇下呀咩吉場~
就算睇左幾日羊媽媽都未update個網,睇極都係o個堆文字、o個埋圖畫都好,都會一睇再睇......
唔開心、失落o個時睇下個網,就好似呀咩o係度鼓勵我咁~
開心、興奮又好似同呀咩同羊媽媽一齊分享~
甚至無聊o個時呀咩都會伴我一齊無聊、同我解悶~

最初睇呢個網都係因為好奇想知道點解d同學睇個網會睇得咁入神,
唔多唔少都睇左依個網年幾,睇到好多內容都差唔多識背~但係每次睇都有唔同o既感覺~
有個同學睇完呀咩吉場同我講「如果呀咩冇病咪好lor.....」
我諗左一陣回應返佢,我話「有病冇人會想,但係唔會所有野都如您所願,知道呀咩都唔想自己有病....換個角度諗,呀咩冇病可能唔會鼓勵到睇佢個網o既人,可能到依家都係個日日都食杯黑牛o既肥妹一名,所有野都會唔同晒,或者唔會有呀咩吉場、或者羊媽媽到依家都唔識整網頁、或者或者.....」

呀咩寫o既文章未必寫得好好,可能有詞不達意,但係我信佢寫o既野比好多作家仲好,因為佢會將佢o既打寫晒o係度,只係感情一樣野都比好多作家好!
唔知係咪睇得多呀咩d文,我作文都好左,小六o個時作文都仲係b,估唔到升左任何野都比小學嚴格o既中學反而攞到個a返黎,老師話我寫o既文內面多左份感情......

呀咩真係令我學識好多野、明白好多人生道理~任何人都有死亡o既一日,死一d都唔可怕!最怕係自己冇左希望,對自己冇左信心!就算生命短暫,但係活得精彩,就已經好足夠......

願呀咩o係天國都會快快樂樂咁過每一日~
願呀咩一家生活愉快~
願羊媽媽o既電腦堂令羊媽媽識得多d野幫呀咩update個網,同埋「打」遍天下無敵手~
願所有人都學會堅強、開心,識得照顧同關心身邊o既人~

Felicia  阿雪

《back》