[ ...TripToWest...SaiWan... ] 　2003年10月19日早上6時許,沒有任何儀器的輔助下,醒了(星期一至六起床的時間 　大約是八時許),料理好自己的儀容後到便利店買了煙仔,報紙和鮮奶後便出發了~ 　是次目的地是一處真正的世外桃源,"香港的後花園"---西灣!!! 　認識此處地方是阿咩生前於她的網站中的日記告訴我的~呢個trip好似係佢叫我去睇下o甘... 　呢次Trip得我自己一個去...真係幾寂寞...但係.......阿咩o甘鐘意西灣,唔知佢係咪跟住我去呢? 　(突然一陣冷風吹過....呼~~~~~~)...............唔.......西灣~我來了!!!!!!! 　我於新城市廣場坐299號巴士到達西貢碼頭再轉坐的士(?????)到達西灣亭, 　於亭子旁有個指示牌,???o個個牌???阿咩o係o個度影過相ka wor,我都唔執輸,影番張~(圖一) (圖一)　都係無變過....　　　　　　　　　　　　　唯獨是人已不在....關於她的故事... 　得一條路o者...個牌都指住去西灣la.....就開始行la!!!沿途的景色一d都唔人造,好自然, 　當時大約8時許,沿途一個人都無,我一路大嗌都無人理我,都唔錯~hehe!!!!!! 　由西灣亭出發至西灣一段路都幾要命,對於一個文職工作的人,閒時以煙酒為樂的人來說... 　有D地獄的感覺~ 大約步行了45分鐘, 到達了下山的一段路....我遠處見到了西灣!!!!!!! 　好得人驚!!!遠處望見已經感覺到o個種一D都唔人造的感覺.....真係好似麼麼茶o個個o甘靚呀! 　我就好似上左身o甘,渾身是勁,跑落山(??????),差不多跑了5分鐘後...我到了....(圖二) (圖二)　我o甘大個仔第一次覺得沙灘係靚!　　　　阿咩影ge~ 　海浪聲,陽光,藍天,白雲...和海灘上幼細的沙粒...在我的生命中奏出美妙的樂章, 　我拿起手中的DC,由右行至左,由左行至右,拍照,拍video,希望能把一切留住..... 　忽然...自己靜下來了....合上眼...感受這般一點都不人造...最自然...最美好的環境, 　腦中盤旋著一些痛苦的回憶....海風好像在洗滌我的心靈一樣,它們在安慰我.... 　逗留了兩個多小時左右,我便開始我艱辛的旅程...於西灣鄰的還有一個灘灘~鹹田!!! 　但此路比由西灣亭至西灣的路更難行(事後我看過一本遠足的書籍....此路難度是3粒星!!!!!!!), 　上山的路相當要命,45度角的斜坡不算是什麼,反而落山時簡直....險象橫生!!!!!! 　後面還有一些行山人仕衝落山....都係讓人地行先啦...自己又行得慢慢.... (圖三) 呢張係我o係西灣至鹹田的山路上影ge~　（圖四) 呢張係西灣o黎ge....幾少人~ 　一輪煎熬過後,當然是天國啦!!!鹹田真係好靚呀!!!比西灣更有與世無爭的感覺!!!! 　其實我去鹹田的目的係想睇一睇鹹橋ka,條橋人造ge...但係真係好靚...不過.... 　條橋我行過兩次,兩次都差D落水....幾窄ka條橋~~~~(圖五) (圖五) 好死窄的鹹橋!!!!!!~~~~~　　　　　　　　阿咩@鹹橋.com 　鹹橋對面有士多,想飲凍凍的維他奶,於是走左去士多度買左枝維他奶飲...盛惠10蚊雞 !!!!! 　被騙後....再回到沙灘...人開始多了....是時候回去了...(我由鹹田回到西灣亭的路..... 　想像到嘛???) 　坐小巴回到西貢碼頭,到 Mcdonald 買左個７號仔加大食...食飽後下午一時,回家了.... 　回到家後... 　覺得好寂寞... 　Copyright © 2003 UnkleloneStudio 　All rights reserved. This Web Site is designed and hosted by 　UnkleloneStudio