羊媽媽:
您好,其實我好早就已經o黎過咩咩個網頁,因我都係一個病人,
所以我好明白咩咩既感受,知道佢既離去,我沒有哭,因我知佢
唔會想在生既人為佢既離去而唔開心,我亦一樣..........
咩咩比我最深刻既係佢既私日記,睇到佢既感情路,就好似睇到
自己既一樣,可幸既係我搵到一個愛我既人,但亦係我最痛苦既
來源,我既生命唔知幾時會完結,我知我既離去會令佢陷入無邊
既痛苦之中,佢成日同我講,只要現在一齊開心就夠了,但我做唔
到,我表面裝成很開心,但有好多個夜晚,當佢去左返工,我都會靜
靜地一個人流淚,因呢段感情係用我既生命去延續,我拒絕再去
做手術,手術只能延續我既生命多2,3年,但萬一手術失敗,我就會
立即失去佢,我唔想咁快就離開,我唔捨得呀!!
每當我感到失落或唔開心時,我都會上黎探下咩咩,佢對生命既
積極,改變左我好多,一直我都唔敢去愛,但睇完佢既私日記,我知
我應該爭取自己既幸福!!
今晚我又去左探咩咩,好奇怪...我竟然哭了,但我知呢d並唔係
傷感既眼淚,而係我睇到咩咩身邊既幸福,我感動了.....忽然
好想寫信俾你,希望你唔好介意~^^~
最後,希望您同羊爸爸,羊哥哥都一直幸福快樂,我都會努力咁
去生存落去,亦希望所有既人都學懂去珍惜身邊既人~
  2004/6/25

--------------------------------------------------------

兩個月後.....我想講既係......故事既結局唔同左,

我同咩咩既命運都係一樣....佢選擇左離開我,我冇傷心,

反而好似鬆左一口氣,因為我想佢唔會再為我既離開而痛苦,

佢可以過自己既生活,只要佢開心,我就會開心~~

2004/8/25
-----------------------------------------------------------

您好~唔知你仲記唔記得我,我好唔開心, 我做緊第2次療程,第一次療程失敗左,呢次要做7個星期......... 羊媽媽,我好掛住佢..........健康同感情都令我好累...... 我唔知仲可以支持到幾時........我已經喊唔出眼淚...... sorry...今晚又想多了......   療程唔係指手術,而係洗內臟,因我長期食藥, d內臟都比d藥物損壞得7788,第一次清洗失敗左, d內臟依然冇好,家陣要做第二次療程~ 2004/9/6 -------------------------------------------------

hihi~羊媽媽,我係醫院寫信比你呀,明天我就要做手術,醫生話得3-4成機會,

所以我怕再唔可以寫信比你傾心事喇,一直我都唔想做手術係因為佢,

但既然佢都離開左我,我想我已經唔再介意生或死了,

嗯,在醫院的日子很難過,佢連一個電話,一封email都冇比我,

好像完全冇認識過我一樣,就連普通朋友都不如,

這幾天我已經完全領悟了.....當感情已死,根本不值得去傷感......

慶幸既係身邊仲有一班好朋友支持我,陪我渡過最難過的日子.

羊媽媽,好高興可以認識你,最後我祇想將我既祝福送比你及我所有朋友,

尤其係天師仔(你都識佢),佢有好多個深夜都陪我傾電話~聽我哭訴!!

多謝你地呀~~如果我冇事,過幾日我會再email比你,若收唔到我既email,

我想我會在好遠既地方默默祝福你地~再見了!!

     狗狗                2004/9/15

-----------------------------------------------------------------------------------

無言感激 !

您好,我手術成功喇,多謝你地關心,令到咁多吉埸既朋友擔心
真係唔好意思............

羊媽媽,我講件開心事你知,佢原來仲係愛我,
呢個手術令我知佢係好緊張我,
雖然我唔知我同佢仲會唔會係埋一齊,
但起碼我知佢唔係一個狠心既人,這已經足夠喇!!

佢昨晚仲陪我傾左好多心事,我已經唔在乎2個人係咪一齊,
只要再見到佢既笑容我就好滿足~~~^^~~~

身體上大致都ok~已經有正常人7-8成,現階段只要專心醫好個肝就ok~
我會繼續努力,你地都係呀~點都好啦~
我真係好多謝你地既鼓勵,我感到好溫暖,好感動~!!thx~
                                                
    狗狗      2004/9/18

《back》