致羊媽媽, 羊爸爸, 羊哥哥:

我係因為星期日檔案既效應下其中一位到訪既人~ 我覺得關於阿咩既故事係好值得我們去思考… 雖然我並不認識她, 但係我就感覺到佢既存在~ 身患絕症, 本來已經唔好受… 不過佢反而體驗到生命既意義~ 呢樣野相信唔係所有身體健康既人能夠領悟…

世界正在進步, 但係人與人之間似乎越來越疏離~ 大家眼中似乎都只關心的… 可能是新特首的施政報告, 幾時先有人工加, 幾時先搵到野做, 邊隻股票會升等等…

因為你地既故事我深深感受到”愛既表現”再次出現… 也許, 阿咩既離開並不算是件壞事… 因為佢曾經活得精彩~ 以有限既生命, 創造左呢個神話~ 同時亦將”愛的信息”帶比呢個世界… 比好多行屍走肉既人, 佢既生命更美麗~ 時下年青人心目中既”愛”似乎就係只會出現係男女之間… 我曾經不斷去追尋, what is love… 意思是什麼是愛… 似乎阿咩佢已經找到答案:”識到你… 什麼都沒有的人才會覺得生命長短都是一樣, 一個人擁有愈多, 愈不捨得離開”  呢個似乎就係阿咩留比呢個世界既答案~ 世人擁有健康既身體, 但係就唔係個個都活得精彩… 而且更加怨天尤人… 甚至放棄生命… 人總有一死, 只是時間問題… 以有限既生命能夠將”阿咩吉祥”發展成一個神話, 呢樣野絕對唔係每一個人都能夠做到~

係尋日我曾經到訪過”阿咩吉祥” 就見到一段有關批評你地既留言, 大概係話”呢d野日日都發生嫁啦, 香港電台係咪太多錢…” 而我就有以下一番話: 也許你聽這蚯蚓翻泥, 聽這小草的根鬚吸水, 也許你聽這般的音樂, 比那咒罵的人聲更美… (節錄於聞一多既作品, 也許) 呢幾句說話係中學時代的中國語文科課文-新詩三首… 而作者同樣因為女兒既逝世, 而寫下這篇文章~ 其中就對當時既社會局勢寫下左呢幾句話… 好比今日既都市人… 已經不知道什麼是愛… 取而代之的就是錢… 但, 現實一點, 他認為香港電台浪費金錢去拍攝一些被他認為是無聊的電視節目~ 但這些被他認為每天都發生的事, 卻成為左眾多人反思, 同情, 感動的事… 在商業上來說, 這已經達到了電視節目吸引觀眾去收視的原意… 感性一點, 你們的故事確實是值得令人反思~ 曾經有一首歌既歌詞就係咁寫”哪怕今天有再多的傷悲, 哪怕明天同樣會掉眼淚, 或許將來會有這麼的一天; 可以回首笑看這段過去… 幾度春來秋去, 在這有限的季節裡, 究竟將尋到什麼…” 阿咩雖然離開左, 不過我好相信, 佢已經搵到生命既意義; 同時亦都帶比世人一個重要既信息… 又豈只係一段回憶, 一個網站…

Bunryuu 2005-6-23