呀咩吉場
呀咩離開左己經三年有多，但佢的網站人氣不減反升。
五年前，有躝網習慣的人，都會上過呀咩個網站，都會留下深刻印象。如果硬要係形容呀咩似一個名星，我會話楊千嬅，另一個開心傻大姐，係裝傻。係呀咩生前，有幸留言俾佢，而佢亦有回覆我，好可惜，係個牛言板己經搵唔返篇留言。佢回覆我的內容大概係話，多謝我的鼓勵同留言，而且從來冇人好似我留咁長篇大論。咁就過左三年，佢個網站不單止冇摺埋，而且經常UPDATE，越搞越紅，人氣就好似恒指咁穩步上揚，唔好嚇親，雖然七月就到，其實係全賴佢果位毅力驚人，冰雪聰明的羊媽媽一手一腳，從唔識電腦，到識整FLASH遊戲，簡直驚為天人，想信佢己經係香港婦女界的任保琳。
羊媽媽的多年努力，得到各方媒體的報導外，終於有出版社幫羊媽媽將呀咩的網頁結集成書，將於05年書展隆重登場。羊媽媽為左呢本書，涯更抵夜，開左成個禮拜夜車，將呀咩的傻氣，想法，生活，抵抗病魔的事跡傳頌於世。我有一位認識多年的朋友，係上年不幸遇上交通意外而失去了一隻腳，除左身體上受的痛苦外，更要奔波於索賞申斥的官司之中，以至身心疲勞，不時有輕生的念頭，我作為朋友的，徐左同佢食下飯吹下水，真係唔知有咩幫到佢。所以我打算買呢本書俾佢，等佢感受下呀咩的小宇宙。
娃哈哈飲品特約:
羊媽媽除左電腦勁之外，仲有一雙巧手，識得繩結呢種傳統中國手藝，佢會不時於全港各商場擺檔，請大家多多捧場，下個月全去屯門天水圍幾日，各位新界西的同胞，「你要識做呢~」！
註:
躝網 取自於
躝街 一詞，意指漫無目的地於網上榴槤忘返。
任保琳，人稱哈佛龔如心，修讀電腦科學系。
