心願

今日上網睇到呀咩的一編日記 (完成心願)

心願 ── 對我來講，中六合彩，重要係頭獎 ar，起碼可以買層樓比屋企，當自己或屋企人失業或有病時都冇須過分焦慮，有個錢傍身。真的，你或者覺得我好好好糞檜，又或者世界真係變成錦咩？但係這幾年真係係道變僅，不論香港，自己， 什致全世界都是一樣在變。

當一個十九歲的年輕人向全世界講我可以完成心願，我真係完成左心願 la。你會想係乜鬼心願咁巴閉，做律師、做醫生 ── 十幾二十歲人，大學都未畢業，有牌都未係 la 。一畢業就創業，味咁行運先，儲到錢，買樓買車，做業主、做車主 (我都想 ，你做到)。

一切都唔係，只不過是一個女仔的一次旅遊 ── 西灣之旅 。佢就好像一個小學生明天要去旅行，不用回校上課般興奮，期望明天一定不能落雨，一定好玩，一定美麗，開心到整個晚上都睡不著覺。

對你對我來講，西灣可能是一個少人去，要用雙腳去找他的地方，只要有時間，有資料，隨時隨地都可以起行，加上年輕人更加不會覺得是一回事。

因不同的人，不同的時間，他就變成一個天堂，一個夢想。

昨天，呀咩帶著一個充滿冀望、興奮的心情，再加上一個帶病的身軀，在一個風和日麗的日子進行了一個對佢來講既艱鉅又辛苦的旅程。

不過從呀咩留下一幅一幅的相，已經知道佢有多開心。我從其中一幅相看到，須只是見到呀咩在西灣的背影，看不到她的正面，都可以感到她的喜悅，看過的人都為之認同。

西灣、鹹橋，是她的天堂，是她的烏托邦，一生人一定要到一次的後花園。

零一年十一月，她做到了、去到了。

心願 ── 我相信妳是還有的；健健康康、可以扮靚靚去街街、

可以繼續番學、第時要爸爸、媽咪、麻麻享福、繼續把吉場繼續下去、及可以和一班好友、知己去興祝自己的二十歲生日、二十一歲生日.............

妳曾經講過：唔好話我好堅強，其實我好軟弱架咋，每次辛苦我都會喊，我去化療唔係因為我堅強，係我怕死。唔好話我好勁，有血癌唔係我揀架，我寧願唔勁，做個普普通通既人。

可惜，今次 ...........

人可以完成一個心願，已經好了不起，妳做到了，真的直得為妳歡呼！

現在只留下一個遺憾 ── 就是我已經不能去會一會妳了。

生有限，活無限

kk隨筆