大家好!自我介紹先,我叫kiko,今年17歲,

認識吉場的經過 :

起初睇星期日檔案既預告,聽到父母為死去的女兒管理網站,心諗:嘩...有呢個爸爸同媽媽真係好啊!!!之後星期日晚上訓左覺,幣...錯過左上半場既星期日檔案,之後就睇實個電視(幸好,我錯過的上半場在吉場可以重溫!!!),

原來這個網站叫做阿咩吉場,知道阿咩既經歷及毅力,所以我就黎吉場,咁我緊係想同羊氏家族say聲hi啦,

可惜上唔到,空白畫面,我知道因為太多人上吉場既原故!!!之後我唔甘心,繼續上...終於上到啦~~~好開心~~~留到言,不過 ~~ 我留左言,佢地冇覆,我會體諒羊爸爸同羊媽媽,因為佢地真係好辛苦,又要工作同管理網站!!加上吉場太多人留言,通常都係洗板留言,所以如果我留言羊爸爸同羊媽媽會睇唔到留言,

雖然我黎吉場只有兩個月,中間一段時間冇黎吉場!!!因為電腦傻左~~有時會諗起阿咩,所以再次黎吉場,留了兩個言,見到羊媽媽回覆我,真係好開心啊!!!

其實我寫星月童星的原因, 係我真係好佩服阿咩講果句說話

『好多人覺得自己好慘，所以就響不幸中生活。

而我就自以為好開心，所以就好幸福咁活著。』

成日想自殺既我,睇到阿咩呢句說話就覺得冇病冇痛唔係必然,我就諗有病的人都唔想離開呢個世界,點解我咁唔珍惜生命???我有個遺憾就係點解我咁遲先黎吉場啊~~如果唔係可以認識阿咩,俾鼓勵阿咩,還有羊爸爸同羊媽媽愛女的親情,真係令每一位訪客感動同佩服!!!

我對羊氏家族的感覺:
我覺得羊氏家族俾到我有一種好親切既感覺,我還希望可以同羊氏家族建立一個良好的友誼關係,我會不斷光臨吉場!!!

給吉場及羊氏家族的說話:
希望吉場人流蒸蒸日上!!!羊氏家族各人都身體健康,生活愉快!!!

05/9/28