你好，我之前在電視節目中得知咩咩同你嘅故事，於是我便來到了"呀咩吉場"，睇完很多關於呀咩嘅故事和她與她的朋友嘅往事，我真的好遺憾...因為我趕不及在呀咩還在時來到認識她....。
羊媽媽...其實我發現我真係唔係太識表達自己，可能因為咁，所以我冇乜真係好好嘅朋友，亦可能係我從沒遇到一些真心忠誠嘅人可以讓我放心來當個知己，加上..從前嘅我，多年來眼中心裡只有一個男朋友就夠，忽略了身邊好多人、事、物，到上年聖誕...分手了，十一年嘅感情呀....分手後沒可能不難過，我以為時間就係最好嘅藥，但係到現在，我仲係覺得自己好似"遊魂野鬼"般，覺得時間太多太多(我諗呀咩睇到我咁樣講，佢可能會生氣我竟謙時間多....)，或者咁講...我覺得我好似一隻被放生嘅雀仔，突然要離開，向著外邊未知嘅世界飛去，原本重獲自由係直得開心..卻發現..原來這個世界真的很大很大...大到有點兒恐怖...大到不知怎去面對....
其實我真係有羡慕呀咩..因為她有很多很多真心對她好，真心愛鍚她嘅好朋友，當然咁係因為呀咩佢一定係一個對朋友真心嘅人，佢嘅真心另佢擁有一群相信我一世也儲不來嘅朋友，所以我相信..若能和呀咩做朋友，我可以早幾年來到這裡認識她，會係我一個福份，不過當我來到時，呀咩已走了差不多四年了...
最近因為空閒了，所以上來多了，但也未睇均"呀咩吉場"每一個角落，因為有時在真的不敢看，因為我會睇到哭....我知呀咩並唔想有人睇佢個網頁睇到哭，但請體諒..我真的眼淺....，不過另一方面，呀咩無形中成了我的藥，上來"呀咩吉場"成了我嘅一個寄託，看著呀咩的往事，看到她的內心世界，感覺上就好像早就認識她一樣，只係...我們沒有機會傾談，沒有機會一起分享心事.....我相信呀咩一定會係一個最好最難得嘅"小天使"，將我"醫好"。
