賣旗.今日就由我 程仁 教大家點樣賣旗喇!!首先當然梗係要搵個靚女....但係靚得o黎又要帶點清純.因為咁樣o既女仔先最有愛心.o依~~! 目標出現.而家就等我示範俾大家睇下喇......!!『小姐,賣支旗丫....嘻~~!』點知個靚女好大反應咁叫:『哇!!! 非禮呀!! 你個死咸濕佬.....咸豬手!? 乜賣旗貼落人個胸度o既咩!!??』我便答:『一時唔小心o者!!唔好意思......嘻...!!』點知個靚女手起袋落.一個 LV 手袋打落o黎.幸好我食過幾啖夜粥.一一給我閃過.唔對路喇! 都係走為上箸.我足足走了三條街.頂唔順....停了在街口抖氣.......『嗄~~!!嗄~~!! 乜而家 d 女仔咁o架!!睇佢斯斯文文...清清純純....點知原來咁鬼巴辣...走遲兩步,比佢溶o左都有份....嗄~~~!! 』點知,在我未抖完氣又出現一個清純的學生妹......上天真係代我不薄. 事不宜遲......上! 『小姐........哎o也!!』我都未出手,個清純少女已經撲在我身上.搞到我跌了一跤. 估唔到而家 d 女仔咁開放. 嘻~! 我o黎喇!!! o下~~!! 唔係嘛! 作者, 你係咪玩o野呀!! 次次彈個靚女落o黎比我佔下便宜o既時候,個女主角梗係有事.你究竟算點呀!唔撈喇!!次次都搵我笨. <作者> :『你再嘈我下次整個亞婆你嘆o架!! 仲講咁多.....快 d 去救人喇!!!』我見她的面色不對,便馬上帶了她去我醫務所做檢查.

    『妳醒喇!!! 』她便答:『呢度邊度o黎o架!? 我做乜會起呢度o既?』我便答:『呢度係我醫務所,係呢? 妳叫咩名呀?』她便說:『呀咩!』我便說:『我問妳叫咩名呀!!? 妳答我咩呀?』她便說:『我個名咪叫 "呀咩" 囉.』我便奇怪地說:『o下!! 咁o既名都得. 算喇!! 妳屋企幾號電話呀!!? 等我通知妳 d 屋企人!』呀咩便答:『唔駛喇!! 佢o地上個月全部移民晒過美國.我讀埋呢個學期都會過埋去.所以唔駛通知佢o地喇! 我自己識返屋企.』講完後呀咩便行去開門離開之際,剛巧我老表上來找我. 呀咩一開門見到我老表便很驚訝地說:『曉東!!!』講完之後,呀咩又再次不支暈倒.而老表就上前抱住呀咩!! 並問我:『喂!程仁,呀咩發生咩事呀!!』我便說:『仲問咁多,快 d 抱呀咩落去我架車度先喇,要馬上送佢去醫院先得.』(在車內) 『程仁,究竟呀咩發生咩事呀! 點解會在你醫務所.又無端端暈倒的.』我便答:『首先你答o左我o既問題先,乜你識呀咩o既咩!!?? 』曉東便答:『識,佢係我女朋友,不過上個禮拜已經分o左手!』我便說:『做乜事分手呀?』他便答:『因為係.......係我識o左第二個女仔囉.你唔好問呢 d o野先喇,究竟呀咩乜事先得o架?』我便說:『佢可能係患o左血癌,而且有惡化o既跡象.』

    (醫院病房內) 『程仁, 我究竟有咩病,你快 d 講俾我知喇.』我便答:『身為一個醫生,唔應該隱瞞病人o既病情,不過妳要做好心理準備,經過頭先同妳做過血液化驗.證實妳患o左血癌,而且仲有惡化跡象.要立刻接受化療.』呀咩聽完之後便說:『哈...哈...哈...! 血癌!? 你估做戲咩!!真係搞笑......血癌!! 邊有可能o既o者! 血癌喎 ~~~~ 嗚~~! 』此時,曉東行入病房來,他對呀咩說:『唔好喊喇!! 聽程仁表哥話,接受化療喇.』呀咩便說:『我唔駛你同情,你返去陪你個柏芝喇!!』我見呀咩情緒好激動,祇好叫阿東出去一陣先. 之後我便和呀咩說:『妳唔好喊住, 我睇得出妳喊唔係因為妳患o左呢個病,而係曉東!!』呀咩便說:『程仁,放心喇!我冇事o架喇!!我幾時可以出院呀!!?』我便答:『過多幾日喇,妳就可以返屋企,不過定時要返來接受化療.妳而家休息下先喇!O.K.』(走廊外) 『阿東,你而家對呀咩究竟係出於同情定係點樣!?你自己要諗清楚.因為你已經傷過佢一次,唔好再傷佢第二次.如果係出於同情.咁你就應該要有所保留,唔好再令人誤會.』

    數天後...............『呀咩!! 今日出院喇喎!! 』呀咩便說:『呀! 程仁呀!! 我呢幾日"訓"得唔係幾好,可唔可以開 d 藥俾我呀!!?』我便答:『哦!! 好呀!!』我拿了樽藥交給曉東,對佢講:『曉東,你每日俾一粒佢,千祈千祈唔好成樽俾佢,我費事佢當糖咁一次過食晒呀!』呀咩便插咀:『程仁,唔好講到我咁蠢先得o架!!!』我便答:『咁就得喇,呀!! 曉東呀! 妳送呀咩返屋企,好好咁睇住佢呀!! 有咩事就 call 我喇!! 我仲要搞埋 d 手尾!』曉東便說:『哦!! 得喇!!』

    (呀咩家內) 『曉東呀!! 我自己識得照顧自己o架喇!! 你唔得閒你走先喇!!』曉東便說:『我得閒呀!! 妳休息下先喇!! 我而家去煮飯俾妳食.好快!!』我便說:『唔駛喇!! 我都唔肚餓,我想 "訓" 一陣,你俾粒安眠藥我丫.』曉東便說:『咁呀!! 好喇!!』曉東遞過杯水同埋粒藥俾我.『妳食完藥就好好咁休息下喇!! 我明天再來睇妳!』

    自從我患病之後,曉東每天都來照顧我,而我亦扮作若無其事......態度非常冷淡,我這種態度令到曉東好難堪! 我其實唔想咁樣對佢.我好想佢照顧我,但係我呢個病就好似形成一堵無形o既牆!!我一次一次咁去努力!!但係都係白費!!所以我每次將藥丸儲起來.......儲起來為將來打算!!由細到大....我一直以為自己係個好堅強......好樂觀o既女仔.......但係......面對將來......漫無希望.....我開始失控.....我完全冇辦法控制自己o既情緒......我其實希望曉東可以愛我一生一世......但係自從病魔出現之後......我o既幻想破滅喇......佢既然已經唔愛我....又何必因為我的病而同情我,對我咁好呢?我需要o既係真心的愛我,而不是同情.......所以我祇好選擇逃避,逃避他對我的關心.

   75.....76.....77....原來已經過o左 77 日喇!! 咁多日都唔好........咁即係我呢個病一世都唔會好.....哈~~~! 爹o地....媽咪....亞哥......程仁........曉東.......再見喇!! 我將儲了 77 日o既安眠藥吞晒落肚.....我倘在地上.....腦海裏想起以往開心的片段.........(一小時後) 曉東和程仁上來,曉東見我倘在地上,便馬上跑上來抱住我:『呀咩!! 妳點呀!!!?』曉東看見地上樽安眠藥,便說:『 安眠藥!? 點解會有安藥o架!!? 蠢材, 妳點解要咁做?點解~!?』我便答:『我呃你食o左藥,其實每次我都將 d 藥收埋在手指罅度.......』曉東很激動地說:『點解? 點解妳要咁蠢? 妳知唔知當我知道妳患了這個病之後....我先發覺我最愛o既原來係妳......妳每一次接受治療o既痛楚....我個心都一樣為妳而痛.我怕......我怕會永遠失去妳......我知我之前做錯o左好多.....點解妳唔俾個機會我去補償.....點解要離開我......唔得.....我要送妳入醫院......我唔會俾妳死.......我唔會....』我便說:『我食o左成五,六十粒安眠藥,成個鐘頭喇........太遲喇......你不如俾我望多你一陣丫........不過而家知道你係真心鐘意我,我已經好開心.....好滿足喇!!』曉東瘋狂地叫:『傻瓜!! 大傻瓜!!』此時站在隔離的程仁笑了兩聲:『嘿....嘿....唉~~!!曉東,你清醒 d 諗下先喇!!一個食o左五,六十粒安眠藥成個鐘頭o既人,有冇可能唔死呀??仲可以捱到而家!!?』曉東想了一想:『係喎!!』程仁便說:『梗係喇!! 我根本就無俾安眠藥呀咩!! 我俾佢食o既祇不過係 d 維他命丸之嘛!!! 又點會死人o者!』我聽了之後便說:『咁我咪即係唔使死!!?』程仁便說:『開心呀呢!? 好彩我換o左 d 藥咋!!如果唔係妳就冇機會知道個傻仔原來咁愛妳!!不過仲有樣開心o野話俾妳知,我聯絡o左妳屋企人.檢驗後發現妳哥哥 d 骨髓同妳好吻合.可以做移植骨髓手術!』我便問:『咁係咪即係我個病會好番呀!! 』程仁便答:『當然係喇!! 妳唔記得喇咩! 我係無敵程仁大醫生.我又點會俾妳有事o既哩,係咪!!』我望住曉東開心地說:『好o野.....好o野......!』

~ 完 ~

<<回目錄>>