第九個星期

十月二日星期一
番醫院渡假七點幾起身執定行李「遠行」入醫院，爸爸負責做司機，車我同媽咪入瑪麗急症室，唉....住開的血科又唔收急症，我17歲入細路房又太老，入成人房又太細個，當我波咁踢，結果我呢隻波就踢左入普通科果個龍門喇，我剛剛做完化療無扺抗力，應該入細房先安全，不過細房又無位喎，唯有住大房喇，好彩係凹位，無咁易感染，不過響正廁所隔離，仲要沖水壞壞地，同房ｄ呀婆又懶，唉....好似住響公廁咁。每次發燒入院都要留小便，但巧合地「唔方便」所以留唔到喎，護士長就一本正經咁話要插喉放小便，哇！唔係喇 fa，一聽就知係十大酷刑喇，嚇死我喇，好彩俾我嫘甩左，呼....但講到抽血，就無得嫘喇，兩個男實習醫生，一個同我抽血，一個同我傾計，哇！同我傾計果個好鬼索架，原來佢做過細路房，唔怪得知俾佢到暈得一陣陣喇，不過暈還暈，我好清楚知道另一個醫生篤左兩次都搵唔到條血管，仲要"了"下"了"下咁都搵唔到，哎呀~~~~咚！痛死左，最後都係靚仔醫生出馬，不過我血小板得番好少，所以抽血果度瘀左一大撻，痛左幾日呀。今次有新發現呀，住左醫院咁耐，我都係第一次見到一個咁無愛心的姑娘咋，果個姑娘整到另一個女病人隻手流晒血水，極度粗暴，我含住支探熱針成個字都無人理，請佢幫我收番，佢就發晒老皮咁鬧人，唉....究竟係咪有燥狂症呢，無理由廿幾歲咁早更年期卦，不如我俾張床佢喇，我諗佢比我更需要享用醫療設施，「醫生！姑娘有病架！」。

十月三日至十月九日

入院八days大事回顧
之後住左兩日大房，好辛苦呀，個廁所好臭，我每日都係等爸爸、媽咪收工買晚飯黎，就係咁有時由朝早餓到十點幾先有得食，不過ｄ牙肉又腫又痛，所以選擇性都不大，離不開「軟飯」。這裡普通科的姑娘衛生意識好低架，唔同血科，搞到我日日都驚會感染，死人架喎，我唔想過唔到十八歲。有晚無端端有個教授同成班醫生仔巡房，一見到我就話我值得睇，之後又鬧ｄ醫生唔應該將十七歲血癌病人放響大房，叫人快ｄ同我調房，我以為有著數喇，點知之後個個當佢講的野耳邊風，唉....我想去返血科呀，呢度連個廁所都臭過人，好污糟呀。第三日早上，一起身忽然好鬼down，ｄ姑娘做野好求其，污糟到死，但又唔敢投訴喎，費事俾人虐待嘛，唉....成肚氣又無得鬧，唯有"尼"埋喊喇，等到血科李教授黎巡房我先敢喊住講俾佢知，李教授就搵護士長講，之後ｄ姑娘係乾淨好多，但我就俾燥狂症姑娘串「唔洗望喎，我無掂到你呀。」，唉....痴線架，話時話，真係要多謝李教授，別人都說未見過教授咁好笑容拍個病人個頭，哈，我可愛嘛，多人錫囉，呵呵~~呢間大房有五張病床，其他四張床都係老婆婆，我諗加埋我都有三百幾歲呀，響醫院清閒的日子，我真係覺得自己好似入左老人院咁。第四日，即係星期四，我調左入細房，不過依然都係響普通科，今日明哥哥同bee 哥哥都黎探我呀，好開心呀，bee 哥哥仲響日記度提起我：
瑪麗醫院奇遇記，山長水遠見見妳！
放學，閃人，去瑪麗醫院探我網友呀咩！我係第一次單拖去醫院探人，亦係第一次去瑪麗咋，好驚驚呀！原來係響中環站環球大廈出口轉右行廿秒就到小巴站架喇！（記低佢，第日再去的話就唔會唔記得啦！小巴六蚊！上車俾錢！）
一個人上到瑪麗，好叻叻呀！仲自己上埋去３樓咩床（咩床＝保密），響房出面見到佢，佢已經笑到見牙唔見眼喇，咦，唔係喎，佢帶左口罩架，點見佢Ｄ牙呢？咁即係話剩係見到佢笑，又唔見牙又唔見眼啦！我企左響房出面一陣呀，因為佢無招呼我入去，又無招手叫我入去，但我又見到佢有個Friend響度，咁咪俾Ｄ禮貌響出面等一等囉！但等左好耐，佢都唔理我，剩係笑，我谷鬼氣咪衝入去囉！跟住佢個朋友就走喇！（呀咩，妳唔駛驚妳的秘密俾人知呀，無乜人睇我呢個垃圾網頁架！）
見到佢精神都幾好。我一坐低，張凳仲暖。我望住佢，我都唔知講咩好，可能耐無見啦！呢次係第二次見佢，之前見佢，唉，好耐喇，唔記得左幾耐喇！我無野講呀，佢講囉，但我好唔自然呀，我平時聽人講野係望住人地個口，但佢戴左口罩，咁我望佢邊度呢？眼囉！咁我咪好唔自然囉！慢慢，好快，幾分鐘，我就開始自然喇！
一路傾，一路傾，乜都講，大家無隔膜，我就覺得係因為我地大家本身唔識，咁講野就好似方便Ｄ，唔驚會爆；而佢就覺得係因為性格夾。是但啦，總之好好傾，大家都癲癲地！
傾到有時無乜野講，但突然又嘔到好多野講。我好驚呀，我驚我悶親佢，我講過幾次話驚佢悶，佢就話唔會，仲好開心添，佢話平時唔會講得咁開心，唔會講咁多野俾人知。係？咁我咪好威？其實，我都講左好多野佢知，我平時都唔會講咁多俾人知，女友例外丫，但唔好誤會，佢唔會﹑一定唔會係我女友，我同佢係好Friend好Friend。講講下，我教佢平仄，唉～終於學識喇佢，教左佢好耐。又俾佢睇下我的真跡，睇下我的詩，仲邪到俾我的「畫」佢睇，我畫的都唔算係畫，核突到無人有，但都仲有一個人欣賞我，就係妳。跟住佢又畫我的肖像，佢畫得好似架，真係好似，佢畫左一條流緊口水的淫棍出唻，似到十足。講講下，原來佢都鐘意食我的極品之一－－叉燒油雞飯。佢仲有一句精句，係買叉油雞飯果時講架，我真要學下喇，就係「叉燒半肥瘦，唔該多蔥油！」好押韻呀，正！
佢呢，係住細房喎，同一個女人一間，我一直係背住個女人唻坐，所以個女人係見唔到我的表情。一路同呀咩傾啦，我又屎忽鬼八卦走去聽個女人講電話，內容大概係「你有無同ＢＢ玩呀？（個電話好大聲，我聽到對話的係一個不知男女的小朋友，相信係佢的骨肉。）……肚唔肚餓呀？肚餓去搵Ｄ野食啦～（聲音有Ｄ振。）……去食雪梨啦！批左皮先食呀！……一係食香蕉啦，搣左皮先食呀！……好啦，小心Ｄ啦！」只係好簡單的幾句說話，好日常生活化，好普通的對答，但聽在我的耳裏卻好生動，好感人，我一路聽一路喊，仲俾呀咩笑添！我唔知點解喊，可能係因為我感到生在福中不知福啦，平時我阿媽響我身邊叫我食野我就唔理佢，但我背後的女人好想響自己的兒女身邊都唔得，唉！好無奈，好感動呀！
跟住咪繼續傾囉，但到最後，到而家呢一刻，都唔係好記得同佢講過Ｄ咩，咪好囉，呢度講呢度散。原來的坐左三粒半鐘，用全副精神同佢傾偈，用晒所有能量令佢唔悶，由五點三坐到八點九，仲攪到自己有Ｄ頭痛，有Ｄ燒添。雖然累就累Ｄ，不過真係好開心呀！見佢真係開心咪得囉！

果日就係咁喇，嘻，copy左bee 哥哥ｄ日記，我咪唔洗講咁多囉，偷懶。不過....惡夢就係第四日的夜晚開始喇....爸爸買左pizza hat的海鮮闊條麵，哇，好好食呀，媽咪又食左少少，我餓左成日，緊係食左好多喇，到左第五日的早上，唔知點解有ｄ作嘔，以為係自己心理喇，之後媽咪打俾我，問我有無肚痛，佢話佢食左ｄ闊條麵之後肚瀉左成晚，聽到之後，當堂涼左一節，死喇....好似更加想嘔。下午調左上血科，同房的係一個十九歲的中七生。我見作嘔又嘔唔出喎，於是就落左去七十一買野飲喇，上番黎發現枕頭好似俾人郁過咁，但都不以為意，訓左一陣，訓醒先知....咦？我部電話呢？左搵右搵都唔見，咪問隔離床有無陌生人入過黎囉，佢就話剛剛有個男人入黎扮晒熟咁企左響我床邊....哎呀，有賊呀！唉....後尾咪唯有報警，差人落左口供就閃左lu，而我就好無耐，一邊作嘔一邊埋怨自己大意....到左夜晚終於嘔得出喇，仲食乜嘔乜，剛剛飲左一碗羅宋湯，就足足嘔番一碗出黎....訓著左都起身嘔，今晚嘔左三次。
第六日早上，以為新的一天，唔會再嘔喇，點知一醒又嘔，下午又嘔四次，食橙嘔橙、食包嘔包，嘔完之後虛脫，訓到不醒人事，醒左又繼續嘔....一直嘔，嘔到星期日的下午，我一聞到ｄ藥味，又反胃嘔，三日的累積嘔吐指數係十一次，仲辛苦過做化療，總算係「呀咩最痛」。我一直都唔敢講俾醫生知，第一係怕佢鬧，第二係怕佢唔俾我出院，結果係我再唔嘔時，先推左我落去照左兩張胃的ｘ光。我由星期五餓到星期二，嘔左三日，簡直係對食物產生恐懼，所以之後都唔想食野，但又好肚餓，餓左五日，我終於明白厭食症的人係幾咁慘，可以食得飽係好幸福架。

睇左未<------------昔日發傻------------->繼續睇

十月三日至十月九日
入院八days大事回顧之後住左兩日大房，好辛苦呀，個廁所好臭，我每日都係等爸爸、媽咪收工買晚飯黎，就係咁有時由朝早餓到十點幾先有得食，不過ｄ牙肉又腫又痛，所以選擇性都不大，離不開「軟飯」。這裡普通科的姑娘衛生意識好低架，唔同血科，搞到我日日都驚會感染，死人架喎，我唔想過唔到十八歲。有晚無端端有個教授同成班醫生仔巡房，一見到我就話我值得睇，之後又鬧ｄ醫生唔應該將十七歲血癌病人放響大房，叫人快ｄ同我調房，我以為有著數喇，點知之後個個當佢講的野耳邊風，唉....我想去返血科呀，呢度連個廁所都臭過人，好污糟呀。第三日早上，一起身忽然好鬼down，ｄ姑娘做野好求其，污糟到死，但又唔敢投訴喎，費事俾人虐待嘛，唉....成肚氣又無得鬧，唯有"尼"埋喊喇，等到血科李教授黎巡房我先敢喊住講俾佢知，李教授就搵護士長講，之後ｄ姑娘係乾淨好多，但我就俾燥狂症姑娘串「唔洗望喎，我無掂到你呀。」，唉....痴線架，話時話，真係要多謝李教授，別人都說未見過教授咁好笑容拍個病人個頭，哈，我可愛嘛，多人錫囉，呵呵~~呢間大房有五張病床，其他四張床都係老婆婆，我諗加埋我都有三百幾歲呀，響醫院清閒的日子，我真係覺得自己好似入左老人院咁。第四日，即係星期四，我調左入細房，不過依然都係響普通科，今日明哥哥同bee 哥哥都黎探我呀，好開心呀，bee 哥哥仲響日記度提起我：瑪麗醫院奇遇記，山長水遠見見妳！放學，閃人，去瑪麗醫院探我網友呀咩！我係第一次單拖去醫院探人，亦係第一次去瑪麗咋，好驚驚呀！原來係響中環站環球大廈出口轉右行廿秒就到小巴站架喇！（記低佢，第日再去的話就唔會唔記得啦！小巴六蚊！上車俾錢！）一個人上到瑪麗，好叻叻呀！仲自己上埋去３樓咩床（咩床＝保密），響房出面見到佢，佢已經笑到見牙唔見眼喇，咦，唔係喎，佢帶左口罩架，點見佢Ｄ牙呢？咁即係話剩係見到佢笑，又唔見牙又唔見眼啦！我企左響房出面一陣呀，因為佢無招呼我入去，又無招手叫我入去，但我又見到佢有個Friend響度，咁咪俾Ｄ禮貌響出面等一等囉！但等左好耐，佢都唔理我，剩係笑，我谷鬼氣咪衝入去囉！跟住佢個朋友就走喇！（呀咩，妳唔駛驚妳的秘密俾人知呀，無乜人睇我呢個垃圾網頁架！）見到佢精神都幾好。我一坐低，張凳仲暖。我望住佢，我都唔知講咩好，可能耐無見啦！呢次係第二次見佢，之前見佢，唉，好耐喇，唔記得左幾耐喇！我無野講呀，佢講囉，但我好唔自然呀，我平時聽人講野係望住人地個口，但佢戴左口罩，咁我望佢邊度呢？眼囉！咁我咪好唔自然囉！慢慢，好快，幾分鐘，我就開始自然喇！一路傾，一路傾，乜都講，大家無隔膜，我就覺得係因為我地大家本身唔識，咁講野就好似方便Ｄ，唔驚會爆；而佢就覺得係因為性格夾。是但啦，總之好好傾，大家都癲癲地！傾到有時無乜野講，但突然又嘔到好多野講。我好驚呀，我驚我悶親佢，我講過幾次話驚佢悶，佢就話唔會，仲好開心添，佢話平時唔會講得咁開心，唔會講咁多野俾人知。係？咁我咪好威？其實，我都講左好多野佢知，我平時都唔會講咁多俾人知，女友例外丫，但唔好誤會，佢唔會﹑一定唔會係我女友，我同佢係好Friend好Friend。講講下，我教佢平仄，唉～終於學識喇佢，教左佢好耐。又俾佢睇下我的真跡，睇下我的詩，仲邪到俾我的「畫」佢睇，我畫的都唔算係畫，核突到無人有，但都仲有一個人欣賞我，就係妳。跟住佢又畫我的肖像，佢畫得好似架，真係好似，佢畫左一條流緊口水的淫棍出唻，似到十足。講講下，原來佢都鐘意食我的極品之一－－叉燒油雞飯。佢仲有一句精句，係買叉油雞飯果時講架，我真要學下喇，就係「叉燒半肥瘦，唔該多蔥油！」好押韻呀，正！佢呢，係住細房喎，同一個女人一間，我一直係背住個女人唻坐，所以個女人係見唔到我的表情。一路同呀咩傾啦，我又屎忽鬼八卦走去聽個女人講電話，內容大概係「你有無同ＢＢ玩呀？（個電話好大聲，我聽到對話的係一個不知男女的小朋友，相信係佢的骨肉。）……肚唔肚餓呀？肚餓去搵Ｄ野食啦～（聲音有Ｄ振。）……去食雪梨啦！批左皮先食呀！……一係食香蕉啦，搣左皮先食呀！……好啦，小心Ｄ啦！」只係好簡單的幾句說話，好日常生活化，好普通的對答，但聽在我的耳裏卻好生動，好感人，我一路聽一路喊，仲俾呀咩笑添！我唔知點解喊，可能係因為我感到生在福中不知福啦，平時我阿媽響我身邊叫我食野我就唔理佢，但我背後的女人好想響自己的兒女身邊都唔得，唉！好無奈，好感動呀！跟住咪繼續傾囉，但到最後，到而家呢一刻，都唔係好記得同佢講過Ｄ咩，咪好囉，呢度講呢度散。原來的坐左三粒半鐘，用全副精神同佢傾偈，用晒所有能量令佢唔悶，由五點三坐到八點九，仲攪到自己有Ｄ頭痛，有Ｄ燒添。雖然累就累Ｄ，不過真係好開心呀！見佢真係開心咪得囉！果日就係咁喇，嘻，copy左bee 哥哥ｄ日記，我咪唔洗講咁多囉，偷懶。不過....惡夢就係第四日的夜晚開始喇....爸爸買左pizza hat的海鮮闊條麵，哇，好好食呀，媽咪又食左少少，我餓左成日，緊係食左好多喇，到左第五日的早上，唔知點解有ｄ作嘔，以為係自己心理喇，之後媽咪打俾我，問我有無肚痛，佢話佢食左ｄ闊條麵之後肚瀉左成晚，聽到之後，當堂涼左一節，死喇....好似更加想嘔。下午調左上血科，同房的係一個十九歲的中七生。我見作嘔又嘔唔出喎，於是就落左去七十一買野飲喇，上番黎發現枕頭好似俾人郁過咁，但都不以為意，訓左一陣，訓醒先知....咦？我部電話呢？左搵右搵都唔見，咪問隔離床有無陌生人入過黎囉，佢就話剛剛有個男人入黎扮晒熟咁企左響我床邊....哎呀，有賊呀！唉....後尾咪唯有報警，差人落左口供就閃左lu，而我就好無耐，一邊作嘔一邊埋怨自己大意....到左夜晚終於嘔得出喇，仲食乜嘔乜，剛剛飲左一碗羅宋湯，就足足嘔番一碗出黎....訓著左都起身嘔，今晚嘔左三次。第六日早上，以為新的一天，唔會再嘔喇，點知一醒又嘔，下午又嘔四次，食橙嘔橙、食包嘔包，嘔完之後虛脫，訓到不醒人事，醒左又繼續嘔....一直嘔，嘔到星期日的下午，我一聞到ｄ藥味，又反胃嘔，三日的累積嘔吐指數係十一次，仲辛苦過做化療，總算係「呀咩最痛」。我一直都唔敢講俾醫生知，第一係怕佢鬧，第二係怕佢唔俾我出院，結果係我再唔嘔時，先推左我落去照左兩張胃的ｘ光。我由星期五餓到星期二，嘔左三日，簡直係對食物產生恐懼，所以之後都唔想食野，但又好肚餓，餓左五日，我終於明白厭食症的人係幾咁慘，可以食得飽係好幸福架。