由朝玩到晚

::::::星期二::::::十月九日:::::: 今日又約左呀如同呀龍，話說呀如有恆生卡，食pizza 有六折呀，我都大大話話成年 無食過pizza 喇，好恨食呢，橫掂呀如同呀龍都係住將軍澳，我又住官塘咁近，所以 就約埋呀龍喇。食六折pizza 計劃既前一晚，六點幾左右，我響度訓緊覺既時候，電 話響，係一個把男仔聲「你又訓緊覺呀？」，我迷迷糊糊咁答「我係訓緊覺但又唔係 訓緊覺呀。」其實連我自己都唔知自己講乜，我發現自己未訓醒既時候表達能力係差 到近乎白痴，原來係呀龍打俾我，點解佢次次都等我訓緊覺先打俾我既呢，佢問我食 左飯未，我話「未呀，係唔係你請呀？」，嘿嘿，未訓醒都咁記得佔人便宜，佢就話 「係呀，聽日我放十一點半，不如去唱ｋ嚕。」，唱ｋ！好呀好呀，於是就約好十二 點半響尖咀地鐵站恆生等，不過兩條左好似悶左ｄ喎，本來想約多ｄ人架，但呢ｄ番 工時間，有邊個咁得閒丫。 於是乎星期二既早上，哥哥就車左我出尖咀，落到地鐵站先知....恆生摺埋左，鬼咩 ，成年無撘過地鐵，點知佢會無喇喇裝修喎，弊喇，唯有行去地鐵站既另一邊，睇下 有無多間恆生喇。一路行我就一路咳，行響我前面果個人忽然擰轉頭望住我，「呀咩 。」，好邪呀，原來一直行響我前面果個係呀龍黎架，佢認得我ｄ咳聲，所以擰過黎 ，嘿嘿，真係橋喇，於是我地就一齊行過去neway 。一年前既呀龍，俾我既感覺就係 ----路痴，咁大個人又唔係新移民，應該好熟香港架喇，但有好多地方佢都唔知點去 ，又唔清楚叫乜名，我硬係覺得佢離開左將軍澳就唔識番屋企。上次去睇佢表演唱歌 ，我隨便問左佢一句「你而家仲係唔係路痴呀？」，佢好快咁答我唔係喎，點知呢， 今次呢，有人響尖沙咀蕩失路喎，真係俾佢激死我，一ｄ都無變過，嘻。 上到去neway都差唔多一點嚕，但lunch k係十二點開始架嘛，就係因為我地晏黎，ｄ 細房俾晒人嚕，所以呢俾左間八人大房我地，正呀，跳舞都得呀，第一次同呀龍開房 ....唱ｋ，有ｄ緊張添。死喇，原來呀龍唱咩歌都好在行架，嚇到我唔敢唱，淨係扮 晒冷靜咁響度食薯條，佢唱edmond首「重新做人」唱得勁好聽呀，我暈嚕。有個朋友 打俾呀龍，我咪勁叫呀龍叫埋佢個朋友仔黎嚕，三條友無咁悶嘛，希望唔會又係唱歌 高手喇，呀龍話俾佢個朋友知我地響寶勒行間neway ，「寶勒行」三個字不停響我腦 入面迴轉，寶勒行....咪即係之前有間卡拉ok火燭，燒死好多人果度....即時打個冷 震，好驚呀。之後一個人去廁所，個廁所得兩格，有一格個鎖壞鬼左，於是我就去另 一格喇，然後聽到有開門聲喎，一開門出去見到有個女仔企響度，哇，鬼呀，嚇鬼死 我喇，原來佢又係因為另一格個鎖壞鬼左，所以等緊我果格....暈左.... 一點幾就有人入黎叫我地埋左單先喎，兩個人加左一都係五十五蚊，哇，扺呀，去麥 記食個餐，加多杯新地都係差唔多價錢咋。呀龍個朋友兩點幾黎到，好彩佢唱歌既造 藝同我差唔多，雖然同佢唔多熟，但佢黎左反而我先敢唱喎。因為成兩點幾先黎，我 地諗住唱埋happy hour先走，但一直都無侍應入黎，結果五點幾先有人趕我地走，佢 又唔覺我地多左個人喎，哇呢，勁扺呀，lunch k 買二送一，仲要唱多兩粒幾鐘，嘿 嘿嘿。 唱完ｋ佢地話肚餓喎，嘻，尖咀我最熟，想食乜都知地方，佢地話我話事喎，我話事 就梗係去幫襯最熟果間喇，果度其實稱不上茶餐廳，因為連舖位都無，只係響小冷巷 放幾張拾回來的殘舊桌椅，每一對筷子都唔同顏色，令人聯想到這些筷子是來自一些 執笠的酒樓，我好似響度彈緊呢間「餐廳」，但其實我反而享為呢種好似舊式屋村既 親切感。響尖沙咀度度都係高樓大廈，所有餐廳都裝修得靚靚，侍應同老板都係一幅 唔憂做既態度，但呢間「餐廳」就唔同喇，老板同老板娘都好親切、建談，即使第一 次去，老板既熱情招待都會覺令你覺得自己係一個熟客仔咁，今次老板娘推介奶醬多 排包，仲有凍利賓納，每樣兩份埋單都只係二十蚊，嘻，呢度真係又平又正呀，邊個 話平野無好野架？ 之後我又帶左佢地上尖沙咀中心， 今晚約左呀如食pizza ，都係時候番去將軍澳喇，早知呀龍係末期路痴，所以我已經 問定人尖沙咀有咩車去將軍澳，我地響柏麗行去巴士站，一路都見到好多問卷調查果 ｄ人，哇....好彩我而家瘦左，唔係俾人捉住叫我減肥都幾瘀，而且我又同朋友行緊 ，段估佢都唔會捉住我掛，點知....我都係俾個女人捉住左，唉....我又唔識say no ，所以就幫佢做問卷喇，呀龍同佢朋友見死不救，兩個走左入nike專門店睇野，掉低 我一個，嗚.... 問左幾條之後，佢再問「你有無食健康食品架？」 「有呀。」 「其實我離遠已經見到你面色唔係幾好，你係唔係病呀？」佢好有禮貌咁問。 「係呀。」 「介唔介意講係咩病呀？」 「血病嚕。」我好輕鬆，笑笑口咁答佢。 「係咩血病呀？」依然好有禮貌。 「血癌呀。」我都係笑住答，其實我都驚佢唔信，或者嚇親佢，鬼咩，血癌？唔係做 戲先有既咩？ 「咁你而家情況點呀？」咦？開始唔係做問卷，反而係兩個識左唔夠幾分鐘既人響條 街度傾ｄ好私人既野。於是我就一五一十咁講俾佢聽，而佢又語帶關心咁問我打算點 ，唔知點解我又好信任佢喎，可能係我單純喇，我直情連自己戴緊假髮都話埋俾佢知 ，但同佢傾計真係好舒服，我諗佢會係一個好好既推銷員，我單方面覺得同佢有一見 如故既感覺。我地企響度傾左好耐，呀龍同佢朋友都行完出黎嚕，最後佢都無sell過 野，淨係俾左佢電話我，哈。 我同呀龍七點左右番到去新都城，一路行佢一路講，陣間一到呀如實鬧呀龍話等左好 耐，嘿嘿，估唔到咁都俾佢估中左，最了解呀如既原來都係呀龍....嘿嘿嘿....本來 諗住happizza架，但呀如出智慧齒呀，仲要係痛到要睇醫生果隻，所以都係決定去食 粥，我好耐無食過粢飯喇，所以我要左粢飯豆漿，好似食早餐咁，呀如牙痛仲食炸醬 麵，好勇呀，食完差唔多七點半嚕，哎呀，我要睇「公司戀事多」呀，但咁早番屋企 又好似有少少掃興喎，所以都係近近地去呀龍屋企睇。原來呀龍部電腦有個倉頡遊戲 架，於是呀如就響房玩電腦，而我就響廳睇電視，而呀龍呢，就不停響度笑呀如打字 慢，嘿，當然又要捱呀如打喇，咦？不過都幾意想不到喎，呀如響教育署做，反而打 字仲慢過呀龍喎，而且呀龍個個字都識打，勁呀，最衰我唔識打倉頡喇，唔係又玩埋 一份，如果可以打快碼的話，我一定快過晒佢地喇，嘻，認叻。

happizza

::::::星期五::::::十月十二日:::::: 眼見呀龍唱歌咁鬼好聽，唔得，我都要的起心肝勇敢ｄ去唱，車，係唱得唔好聽架 喇，唱得好聽都做左歌手喇，而且唱ｋ呢種野，係唱得愈多愈好架嘛，等我約多ｄ 朋友去，終有一日我會唔再走音架喇(感動流淚中)。 嘻，今日就約左一個唔洗番學既學生去唱ｋ，佢不願透露姓名喎，車，講左佢個名 都無人會識喇，又會咁怕羞，咁唯有叫佢呀Ａ君喇，撞鬼，講到好似咩唔見得光既 人咁。 前幾日經過big echo，見到學生lunch k 都係二十蚊咋，哇呢，咁咪仲平過neway 五蚊？好想去試下，但又驚ｄ歌唔夠新，又驚ｄ野唔好食喎，諗左好耐都係唔知去 邊間好，於是就問媽咪意見喇，媽咪話梗係去big echo喇，未試過嘛，好....一於 咁話。 十一點半，我約左Ａ君響九龍公園隔離有個地鐵出口果度等，由於一個星期裡面已 經俾人甩左兩次底，所以今日都幾驚，好彩佢都好準時到。結果，我地都係去左neway ，去過有信心ｄ嘛。因為今次我地十二點都未到就入到去，所以佢俾左間超級細房 我地，仲要係對正個門口，即係人人入到黎都會聽到我地既怪獸聲，呀....間房入 面有個好大既窗，雖然有窗簾，但都非常之光囉，都唔似平日唱ｋ既密室感覺既， 彈三彈四都好喇，結果都係無得換既，算喇，點歌點歌。 好野正呀，我地足足唱左四次「飽滿愛」呀，我地仲一齊唱「姊妹」，響無夾定既 情況下，我地竟然好一致咁唱出「聽過你太多心事，但已經不再重要，眼見你快做 新郎，做蜜友的真想撒嬌，我與你太好兄弟，為你竟哭了又笑....」，哇呢，好邪 呀。 我地唱到四點左右就走嚕，經過ok見到有芋頭味既軟雪糕賣呀，嗚嗚，係我最鐘意 既味道呢，所以忍唔住要左一杯，個姐姐仔整到好大舊，有一半都係離開個筒咁， 哎呀，我要食快ｄ先得喇，本來都控制到，但無端端點解咁多冷氣機滴水既呢，一 望自己個身，先知原來個筒底響度漏雪糕呀....哎呀，好瘀呀，都唔知俾幾多人笑 過添，唯有即刻掉左去，然後抹番乾淨個身喇，嗚嗚，衫、褲、鞋都有呀，咦.... 下次食之前睇下個筒底有無穿先，好瘀呀.... 之後我地又去左update mall 影卡卡，見平時ｄ動作咁老土，佢話今次抱起我黎影 喎，哇，俾著係第二個男仔我就枒係唔肯喇，不過Ａ君識左咁耐，無所謂喇，哈哈 ，佢都幾慘，雖則話我輕左好多，但要抱住定格，仲要笑埋咁，真係幾難為佢。影 完卡卡之後，我扯左佢陪我去red earth 睇化粧品，拿拿拿，唔好話我發姣呀，自 從上次響條街度俾個推銷完捉住我，話我面色唔好，我就一直好想補救一下喇，起碼 唔會一望落去就似病人咁嚴重嘛，但講到底我都係一個病人，除非好番晒喇，唔係 根本無得救，所以呢，我想化粧既原因只不過係想似番個正常人，呢個動機都唔算 過份丫。 媽咪尋晚無端端叫我洗多ｄ錢喎(當然係我自己果ｄ喇)，佢話ｄ錢放響銀行只係一 個數字，望住堆數字又唔會開心既，除非你係覺得呢堆錢可以滿足到你好多需求喇 ，所以呢，錢唔用既話，多多都無用，嘻，好，以後我又多個藉口俾自己買多ｄ野 喇。第一擊就係去red earth 睇化粧品，平時真係行過睇下，好怕ｄ售貨員響度sell 架，但今次我係有心幫襯架嘛，所以呢我又唔怕佢sell我喎，即管有咩唔明就問， 最後我買左濕粉、碎粉同胭脂，嘿嘿，呢三樣野加埋既價錢，已經貴過晒我以前所 有化粧品嚕，不過貴野總有佢既賣點既，而且我都係第一次咁俾人服侍咋，我想要 咩都幫我試，試到最好為止，又唔會話睇唔起我係細路女喎，感覺一流呢。 五點幾左右，我就要撘地鐵去葵芳喇，因為今晚約左班展翅大使食飯，我又唔知尖 沙咀有咩車可以去喎，唉....結果都係要局住一個人撘地鐵，好驚呀，成年未撘過 ，呢個鐘數又多人喎，企耐少少又累喇，所以見到有位都唔客氣喇，即刻坐底抖抖 先。 去到葵芳得呀dick一個到左咋，唯有上去美心坐下喇，坐到差唔多七點karry 同tony 先到呀，因為佢都一齊響勞工署做，所以一齊黎嚕，哇呢，有生日禮物收呀，係個可以換頭髮既爆炸豆公仔呀，仲有爆炸豆骰仔同電話繩呀，開心開心，咦？不過我 唔係鐘意sony貓既咩，嘻，無所謂喇，朋友送俾我既就咩都鐘意架喇。仲爭呀明未 放工呀，所以我地繼續坐響度，一邊吹水一邊等佢，等等下karry 無端端搵到呀翠 電話喎，咪即話打俾佢，諗住叫埋佢黎囉，哇，好好彩佢真係剛剛放工呀，佢又真 係肯黎喎。我地等到差唔多九點，呀翠黎左喇！我同karry 即時開心到忍唔住尖叫 ，嘿嘿，即時成間美心靜晒，個個都定格咁望住我地，嘻，sorry sorry 開心得滯 ，嗌得大聲左。 呀明成九點幾都未放工呀，所以我地過pizza hut 叫定野食先，點知野食到晒，連 沙律都整好晒，呀明都未到，哎呀，望住ｄ野食真係勁肚餓呀，嘻，唯有個個靜靜 雞咁偷食沙津喇，呀明差唔多十點先到呀，野食都凍晒嚕，不過唔緊要喇，開餐！ karry 好厲害呀，竟然笠到支蠟燭番黎喎，嘻，又有得許願喇。 食完晒之後，我地六個人靜靜雞走左入去遊樂場度玩，個遊樂場勁新勁多野玩呀， 不過一早閂左喇，所以一個人都無，玩得好刺激呀，嘻，我地幾個加埋都成百幾歲 喇，但都玩到好似個細路仔咁，我地玩到唔捨得走呀，直到有人離遠趕我地走，我 地又怕會捉住俾人鬧喎，咪即刻拎番ｄ袋跑囉，嘿嘿嘿，真係好似細細個俾大人鬧 既情況呀。 差唔多十二點喇，我地約定下次見面既日子，就分頭回家嚕，嘻，好朋友唔洗見得 多，偶然見一次感覺已經好close 嚕，嘻，I love u all。

吉場黃昏燒炭團

::::::星期六::::::十月十三日:::::: 今日係期待左好耐既吉場燒炭日呀，晨咁早我就不自覺咁醒左喇，原來做買野都幾 煩架，我將要買既野分開兩張單，一張係可以預早買定既，另一張就係ｄ丸丸、扒 扒之類，頭果張就俾呀哥搞掂，呀哥有車嘛，咁我地買野食果幾個就可以唔洗拎咁 重喇。 尋晚聽細拳講，佢話想去杏花村行下，因為果度開左個新既商場，好有歐陸風味喎 ，原本我唔肯去架，但諗真，筲箕灣響正杏花村隔離，橫掂順路，細拳又好想去咁 ，好喇，就去行下喇，一上網就見到呀豆同bee 狗，於是就叫埋佢地兩個一齊去喇 。 柱男細拳 今日又要撘地鐵喇，不過尋晚撘過一次，今次無咁驚喇，平時扮慣學生，俾開半價 ，而家要用成人達通，先知官塘撘去杏花村要成十蚊架，好貴呀。細拳同我都兩點 三準時到達，不過因為太臨急臨忙先通知豆同狗，所以佢都差唔多兩點半先到呀， 我地急急咁去搵細拳所講既小天使裝飾，個商場好大呀，嘻，不過我地最後都搵到 小天使，其他裝修都好靚呀，搵日一定要再黎過。 海盜船 三點我地四個就到達筲箕灣地鐵站恆生喇，等左一陣小魔都到埋就齊人嚕，去買野 食！細拳不停嗌呢樣唔夠果樣唔夠，成日響後面話我地三個女仔執得少，激鬼氣咪 叫佢上黎執嚕，佢一執就乜丸乜扒都執多幾磅，哇....食唔晒細拳包底呀，嘿嘿， 而我就負責抄低邊個買野俾左幾多錢，方便計數嘛。哇，眼見已經係勁多人燒野食 喇，等我仲啖啖定定以為呀哥實霸到爐添，點知三點幾打俾佢仲響屋企呀，真係急 死人。 差唔多買左一個鐘呀，四點鐘我地番去地鐵站，我地約左曲奇、kk同兔兔響果度等 ，再一齊撘車入石澳。點知行緊去巴士站呀哥先打黎話，霸唔到爐....鬼咩，咁遲 先去，真係激死人喇，佢話不如去再入ｄ個沙灘燒喎，咦....梗係唔滯喇，又無車 到，咁夜晚點走喎，而且人地係鐘意石澳嘛....唯有去到再睇下霸唔霸到嚕。 入到去打俾呀哥，問佢霸爐霸成點，佢話佢霸緊車位，小may 同小倍去左食野喎， 唉....入到黎先知無人霸爐，唯有去租爐嚕，租爐果邊唔係露天架，好多帆布響頂 度，愈入愈熱，但愈出又愈貴喎，最出最涼露天果ｄ足足要成二百蚊一個呀，入ｄ 又平廿蚊，再入ｄ又平廿蚊咁囉，好似人地去紅館買飛咁，結果出面果ｄ都俾人揀 晒，所以我地揀左個百五蚊爐，佢話我地人多要租兩個喎，唉....真係賺死佢喇， 乜都唔包，淨係俾個爐....丫，唔係，係幾條鐵線圍住，一張無左台面得番台腳既 物體，算算算....鬼叫我地霸唔到爐咩，唔好為少少野勞氣先得架，今日黎happy 架嘛，笑....嘻。 呀哥為左霸車位搞到要叫差人呀，我幾鬼驚呀，我驚呀哥爭贏左，俾人報仇響架車 度畫花花咋，好彩呀哥爭輸左咋，嘿嘿，我地一於係畫花人地架車。 六點幾左右我地終於可以開始燒炭喇，雖然話係秋天，但迫響「帆布營」入面燒野 食，真係熱到好似變左俾人燴緊既蕃薯呀，地方細細，起碼有成三百人燒緊野食呀 ，哇呢，好彩呀哥醒目，帶定個發保膠箱黎，將ｄ冰同野飲放晒入去，哇....ｄ野 飲凍到好似響雪櫃拎出黎咁呀，即時急降溫，cool！ 咀得好激烈呀，高呼同性戀合法化！ 大約九點，最後一批人，尾尾、尾佬、獸獸同南姐都到齊喇，哇呢，加埋我地總共 有十五個呀，我都係第一次同朋友咁大堆頭出黎玩咋，於是呢，一部份走左出沙灘 玩，淨番既就繼續留守熔爐。其實我地都好想出去抖下架，因為實在太熱喇，出面 係涼到凍架，但無理由走晒出去玩，留番遲黎既朋友仔響度架嘛，我地呢ｄ義氣仔 女要共同進退既(大力拍一下心口)。 各位今晚飲多杯呀 嘻，今次係我第一次見兔兔、獸獸、小may 同南姐咋，我一直以為兔兔係好傻傻更 更既女仔黎架，點知原來佢真人好cool、好man 、好有型架，哇呢....獸獸呢，初 初黎到我以為佢係南姐男朋友喇，坐左一陣先估到，佢....就係傳說中既吉場神獸 呀，嘻，佢個樣超級正經呀，我仲以為佢會係個死臭飛咁既添，嘻，不過都幾靚仔 架，小may好高，個樣似上堂成日串呀sir既民運份子嚕，聽南姐個名覺得佢會係好 惡既女仔黎架，點知真人肥肥地好可愛架，嘻，總之今次新見到四個網友，感覺係 新奇、刺激、好玩喇。 合巹交杯 呢張紙黐響我地燒野食果度架，行過ｄ人都忍唔住笑 隔離台有人大唱生日歌呀，我又唱埋一份贈下興嚕，點知隔離台唱完，又到遠ｄ果 台唱喎，哎呀哎呀，我勁想我地果台又唱架，因為想話俾人知，我地都生日得好接 近，或者係同一日都未定呀，不過可惜無人睬我，噢噢，好瘀添。 飲勝！(留意小魔既飲品) 我地燒野食燒到十點半左右，原本打算可以有多ｄ時間去沙灘玩架，不過我計漏數 嚕，無計到有人會遲黎，嘻，不過無所謂喇，開心既時間太多，只會令開心變得平 淡，反而少少地，更加令人珍惜呢。我地響沙灘席上面坐，忽然小魔同呀豆捧住個 點左蠟燭既雪芳蛋糕過黎，哇....好感動呀....即時忍唔住喊左出黎，仲喊到好似 好慘咁，嗚....仲記得一個月前同呀如黎石澳，見到有成班人同個女仔慶祝，我真 係好羨慕架，自問十八年黎都無乜朋友會咁黎同我慶祝囉，可能我從來都係一個配 角，從來都唔係中心人物，我只係一個負責響人群中拍手掌，替人開心既小人物嚕 ，但我唔洗再羨慕人地喇，因為響我十九歲生日果日，有十三個好朋友、好網友黎 為我慶祝，我終於可以做一日主角喇，俾佢地包圍住既一刻，我真係覺得自己好似 一個萬千寵愛在一身既小公主，好開心，好感激。 相片右邊就係蛋糕真面目喇 好多隻手唔知做咩 喊得好慘 咦....人地喊到成個豬頭咁，佢地又叫我吹蠟燭喎，哎呀，個個都望住晒，好彩無 將ｄ鼻涕、口水吹晒出黎，但支蠟燭響沙灘強風下唔知點解都係吹極都唔熄，嗚.... 玩死羊喇。嘻，好多禮物收呀，有幾個朋友仔負責拎住電筒，好似人地拍戲咁打燈 落黎等我拆禮物，搞到有ｄ路人甲、乙、丙特登走過黎，以為有明星睇呀，嘿嘿。 嘻，今年都算係收得最多禮物既一年喇，多謝kk既叉同匙，好野，咩咩唔會無叉用 喇，多謝尾尾既狗面兔電話繩，嘻，得意過呀豆果隻(自己覺得)，呵，多謝南姐既 震震sony貓扮小鴨既pooh pooh ，嘻，好得意架，震到好似鬼上身咁，多謝豆豆既 sony貓大塊布同河童公仔，嘻，佢話河童等於千嬅喎，多謝曲奇既風扇，好靚呀， 可以帶去旅行，涼呀涼，多謝獸獸既電話繩同狗鏈....丫，係頸鏈，嘻，條電話繩 係我英文名黎架，足足八個字咁長呀，條頸鏈仲會發光架，好靚呢，而且第一次有 男仔企響我後面幫我戴頸鏈咋，哇....面紅面紅，多謝小魔既sony貓電話繩同馬騮 公仔，嘻，隻sony貓係有個包伏，離家出走架，嘻，多謝晒多謝晒，禮物裝滿晒成 個藏屍袋呀，好似人地振災咁，嘻嘻。 羊兄羊妹 呀咩扮鬼，丫，應該係呀咩真面目 嘻，重溫中秋節 集體犯法 之後我地十五個人一齊犯法，我地一齊放煙花呀，仲有玩燈籠同玩蠟燭添呀，個個 都好似變番晒細路仔，不過開心既時間係特別過得快既，玩玩下都差唔多十二點喇 ，最後我地匆匆咁影左三張吉場大合照，就要道別喇，嗚....走果下真係好唔捨得 架，都唔知幾時先有機會，可以咁大班人聚埋一齊嚕，嘻，不過我相信大家都重視 我地呢份友情既話，幾多年都好，我地都可以再聚埋一齊既。 三個肥婆坐斷樹 咁多人真係斷喇.... 上排左起，獸獸、兔兔、南姐、小魔、曲奇、豆豆、咩咩、咩哥哥 下排左起，bee狗、細拳、小may、小倍、kk、尾尾 呀咩吉場仝人....請呀！ I love u all 忠心既 bee狗狗幫我剪輯左燒炭當日既相片呀，想睇多ｄ當日既精華片段就唔好錯 過喇喎，進入---->。

生日大食會

::::::星期日::::::十月十四日:::::: 尋日玩到癲左，今日真係有少少down，唔知幾時先再有機會咁大班人出黎玩嚕。 今朝麻麻無買早餐番黎，我又趕住兩點入元朗練氣功喎，諗住入到去再食，咪叫呀 哥快ｄ車我入去囉，點知佢又慢吞吞喎，結果入到元朗都差唔多兩點喇，唯有餓住 個肚去行氣功喇，一肚餓就飲水。有個師姐話我行得幾好呀，嘻，不過尋晚玩得太 累喇，又加上未食野，所以行得都幾辛苦。平時教我果個東東師兄無番呀今日，所 以就由另一個師兄代課喇，我每行一圈經過佢身邊，佢就大大聲咁話我行得唔好， 又話我行到好無力，咩喎，咁東東師兄平時係教我放鬆黎行架嘛，但呢個師兄又要 我行得好有力咁，於是我咪特登行到成個機械人咁，同佢鬥氣囉，咁當然又係捱鬧 喇，佢教果套同我平時果套都唔同，我唔想因為佢代果一堂，而搞到我行亂晒，嬲 嬲地唔鬼行，走左出去另一個佢睇唔到我既地方，行番自己果套，如果佢響我師兄 面前投訴我，我咪一五一十咁話番俾佢聽，係因為佢教得唔同，我唔想學錯，所以 先至走左去囉。 四點鐘，又到靜坐既時間喇，太好喇，今日無蚊，不過有ｄ小地方我都係唔多記得 ，咪靜靜雞問隔離果個囉，嘻。尋晚都無乜訓過，本來好眼訓架，嘻，我又偷雞坐 響度訓覺，雖然唔係訓左好耐，但精神番好多嚕。 行入學校既路邊，全部都係牽牛花呀 五點鐘準時放人，今晚親戚們開大食會幫我慶祝生日呀，但媽咪要成七點先放工， 所以呢，我同哥哥決定去元朗廣場接媽咪放工，嘻，咁我生日喎，段估媽咪ｄ拍擋 都唔會唔放我媽咪走卦。今晚我係主角喎，點可以著到成身運動裝咁去架，所以呢 ，我去接媽咪之前響廁所換埋衫先，件衫新買未著過架，著左先知，咦？露bra帶... (汗)，是但喇，旺角個個都係咁架喇，但...結果都係著番件外套先敢行出黎，其實 又唔係咁嚴重既，不過...唔慣咁性感架喎...我呢ｄ一向踏實架嘛。 一去到梗係催媽咪收工喇，趁佢執緊野，我咪睇下佢賣果ｄ手鍊、頸鍊嚕，嘻，呢 條幾靚，果條又幾靚喎，我同媽咪講「唔該我要呢條丫！我呀媽俾錢。」嘻，好明 顯響度玩野喇。見附近有部粒粒雪糕機喎，咦咦咦，出左咁耐我都未試過，好想試 下呀，於是問媽咪拎左二十蚊去買嚕，我想食...二號，朱古力味，點知我一入錢， 勁多人走過黎圍觀喎，哎呀...即時手震，按錯左三號，呀...當時仲要扮晒淡定喎， 嗚...其實個心已經暗罵自己抽筋手，咁大隻字都按錯，於是乎唯有強顏歡笑咁食士 多啤梨味喇，算喇算喇，其實我都係想試下個口感，咁又真係幾得意既，雖然細細 杯，但已經飽到我反晒白眼嚕，食過總算都唔係太outdate。 七點鐘我終於成功咁劫走左媽咪喇，大約七點半鐘到達姑媽屋企，哇呢，好多野食 呀，仲有我最鐘意既...粟...子蛋糕呀，嘻，好野，又有得許願喇，個個唱生日歌果 刻真係好感動架，嘻，做主角喎，除左入院俾人探果時係之外，平時都幾難得架。 嘻，生日又有利是收喇，話時話，上年新年、今年新年同上年生日、今年生日既利 是我都無拆過，所以呢...唔係咁鐘意收利是，衰ｄ講句...錢我都有喇，反而我鐘意 收禮物，不過利是都有利是好既，起碼我可以買ｄ我鐘意既野，包保唔會唔鐘意嘛 ，所以...多謝晒多謝晒，恭喜發財... 恭喜恭喜... 男人唔見晒 今次大食會最快清碟既係姑姐整既冷麵，已經係兩連冠喇，恭喜晒。九點幾左右我 已經投降喇，因為呢幾排差唔多日日出街，無乜休息過，聽日生日正日，仲有大鑊 野搞，所以今晚要早ｄ訓，養足精神再出擊嘛，嘻。 嘿嘿，我要殺人 自摸...